Courtesy: Sivaa Mayuri
இலங்கைக்கான பாகிஸ்தானிய (Pakistan) உயர்ஸ்தானிகர் மேஜர் ஜெனரல் ஃபஹீம் உல் அசிஸ் (Faheem Ul Aziz HI) மன்னாருக்கு அண்மையில் விஜயம் ஒன்றை மேற்கொண்டுள்ளார்.
இதன்போது, அவர் அரச சார்பற்ற அமைப்பு ஒன்று ஏற்பாடு செய்திருந்த நிகழ்வில் பங்கேற்றதுடன் உள்ளூர் விவசாயிகளுடனும் கலந்துரையாடியுள்ளார்.
அத்துடன், உற்பத்தி விவசாயத் துறையானது, உள்ளூர் சமூகங்களின் தன்னம்பிக்கைக்கு உதவக்கூடும் என அவர் கூறியுள்ளார்.
விவசாயப் பொருளாதாரம்
மேலும், சொட்டு நீர்ப்பாசன முறை, விதைகள் மற்றும் தரமான உரங்கள் போன்றவற்றை வழங்குவதன் மூலம் இலங்கை மக்களுக்கு உதவும் குறித்த அரச சார்பற்ற அமைப்பின் திட்டங்களை அவர் வரவேற்று பேசியுள்ளார்.
அது மாத்திரமன்றி, பாகிஸ்தான் ஒரு விவசாயப் பொருளாதாரம் எனவும் விவசாயத் துறையைப் பொறுத்தவரை அது நிறைய சலுகைகளைக் கொண்டுள்ளது எனவும் அவர் தெரிவித்துள்ளார்.