தமிழ்நாட்டில் இதுவரை கல்கி திரைப்படம் செய்துள்ள வசூல்.. எவ்வளவு தெரியுமா

கல்கி 2898 AD

கடந்த வாரம் வெளிவந்து மாபெரும் அளவில் வசூல் வேட்டையாடி வரும் திரைப்படம் கல்கி 2898 AD. பிரபாஸ் ஹீரோவாக நடித்திருந்த இப்படத்தை நாக் அஸ்வின் இயக்கியிருந்தார்.

மேலும் கமல் ஹாசன், அமிதாப் பச்சன், தீபிகா படுகோன், திஷா பாட்னி உள்ளிட்ட பலரும் முக்கிய கதாபாத்திரங்களில் நடித்துள்ளனர். முதல் நாளில் இருந்தே இப்படத்தின் வசூல் புதுப்புது சாதனைகளை படைத்து வருகிறது.

தமிழக வசூல்

உலகளவில் இதுவரை ரூ. 525 கோடிக்கும் மேல் வசூல் செய்துள்ளதாக தகவல் வெளியாகியுள்ளது. இந்த நிலையில் நான்கு நாட்களில் தமிழ்நாட்டில் கல்கி படம் செய்துள்ள வசூல் குறித்து பார்க்கலாம்.

அதன்படி, இப்படம் தமிழ்நாட்டில் மட்டுமே இதுவரை ரூ. 23 கோடிக்கும் மேல் வசூல் செய்துள்ளதாக தகவல் கூறுகின்றனர். இது இப்படத்திற்கு தமிழ்நாட்டில் கிடைத்துள்ள அமோக வரவேற்பை என சொல்லப்படுகிறது.