யாழில் முரல்மீன் தாக்குதலுக்கு இலக்காகி கடற்றொழிலாளர் பரிதாப மரணம்

யாழ்ப்பாணம் (Jaffna) குருநகரைச் சேர்ந்த கடற்றொழிலாளர் ஒருவர் முரல் மீனின் தாக்குதலுக்கு இலக்காகி உயிரிழந்துள்ளார்.

குறித்த சம்பவமானது, நேற்று(1) இரவு 9 மணியளவில் இடம்பெற்றுள்ளதாக காவல்துறையினர் தெரிவித்துள்ளனர்.

உயிரிழந்தவர் குருநகர் 5மாடி குடியிருப்பினை சேர்ந்த இரண்டு பிள்ளைகளின் தந்தையான 26 வயதுடைய கடற்றொழிலாளர் என விசாரணைகளில் தெரியவந்துள்ளது.

உடற்கூற்று பரிசோதனை

இது தொடர்பில் மேலும் தெரிய வருகையில்,
குருநகர் கடற்பரப்பிலிருந்து நேற்று கடற்தொழிலுக்கு சென்ற நிலையில் உயிரிழந்தவரின் கழுத்து பகுதியில் முரல் மீன் தாக்கியுள்ளது.

உயிரிழந்தவரின் சடலம் உடற்கூற்று பரிசோதனைக்காக யாழ் போதனா வைத்தியசாலையில் (Jaffna Teaching Hospital) வைக்கப்பட்டுள்ளது.

சம்பவம் தொடர்பில் மேலதிக விசாரணைகளை யாழ்ப்பாண காவல்துறையினர் முன்னெடுத்துள்ளனர்.