நல்லூரானின் மகோற்சவத்தின் 19ஆம் நாள் திருவிழாவான இன்று (27) சூர்யோற்சவம் இடம்பெற்றுள்ளது.
ஆலயத்தின் வருடாந்த மகோற்சவ பெருந்திருவிழா (Nallur Kandaswamy Devasthanam) கடந்த 9 ஆம் திகதி காலை 10 மணிக்கு கொடியேற்றத்துடன் ஆரம்பமாகி நடைபெற்று வருகின்றது.
அந்தவகையில் இன்று சூர்யோற்சவம் நடைபெற்றுள்ளது.
நல்லூரானின் சூர்யோற்சவம்
காலை 6.45 மணியளவில் இடம்பெற்ற வசந்தமண்டப பூஜையை அடுத்து ஏழு குதிரைகள் பூட்டிய ரதத்தில் எழுந்தருளிய சூரியபகவான் உள் வீதியுலா வந்து , தொடர்ந்து வெளி வீதியுலாவும் வந்தார்.
நூற்றுக்கணக்கான பக்தர்கள் கலந்து கொண்டு சூரிய பகவானின் அருள் காட்சியினை கண்டு களித்திருந்தனர்.
இதேவேளை நல்லூர் மகோற்சவ திருவிழாவின் தேர் திருவிழா எதிர்வரும் ஞாயிற்றுக்கிழமை காலை இடம்பெறவுள்ளமை குறிப்பிடத்தக்கது.
https://www.youtube.com/embed/ftqrZr4-nKE