எதிர்வரும் ஜனாதிபதி தேர்தலுக்கான உத்தியோகபூர்வ வாக்காளர் அட்டைகளை வீடுகளுக்கு விநியோகிக்கும் பணி இன்றுடன்(14) நிறைவடைந்துள்ளதாக தபால் திணைக்களம் தெரிவித்துள்ளது.
சிரேஷ்ட பிரதி தபால்மா அதிபர் ராஜித ரணசிங்க இதனை குறிப்பிட்டுள்ளார்.
இதேவேளை உத்தியோகபூர்வ வாக்காளர் அட்டைகள் கிடைக்கப்பெறாதவர்கள், எதிர்வரும் 18ஆம் திகதி முதல் 21ஆம் திகதி வரையான காலப்பகுதியில் அருகிலுள்ள தபால் அலுவலகங்களில் ஆள் அடையாளத்தை உறுதிப்படுத்தி தமது வாக்காளர் அட்டையை பெற்றுக்கொள்ள முடியும் என அவர் தெரிவித்துள்ளார்.
வாக்காளர் அட்டைகள் விநியோகம்
மேலும் இதுவரை 80 வீத உத்தியோகபூர்வ வாக்காளர் அட்டைகளைகள் வீடுகளுக்கு சென்று விநியோகிக்கப்பட்டுள்ளதாகவும் கூறியுள்ளார்.
2024 ஆம் ஆண்டு, ஜனாதிபதி தேர்தலுக்கான உத்தியோகபூர்வ வாக்காளர் அட்டைகள் விநியோகம் கடந்த 3 ஆம் திகதி முதல் ஆரம்பிக்கப்பட்டு, குறித்த பணி இன்று நிறைவடைந்துள்ளமை குறிப்பிடத்தக்க விடயமாகும்.