கிளிநொச்சியில் இடம்பெற்ற விபத்தில் 22 வயதான இளைஞர் ஒருவன் பரிதாபமாக உயிரிழந்துள்ளார்
குறித்த விபத்து இன்று (19) அதிகாலை கிளிநொச்சியிலிருந்து வட்டக்கச்சி செல்லும் வீதியின் பன்னங்கண்டி பாலத்திற்கு அருகாமையில் இடம்பெற்றுள்ளது.
விபத்தில் பன்னங்கண்டி பகுதியைச்சேர்ந்த அந்தோனி அல்பிரட் – அனுஷன் எனும் இளைஞரே உயிரிழந்துள்ளார்.
காவல்துறையினர் விசாரணை
சம்பவம் குறித்து மேலும் தெரியவருகையில், வீதியால் சென்று கொண்டிருந்த டிப்பர் வாகனம் மோதியதில் குறித்த இளைஞன் உயிரிழந்துள்ளதாக காவல்துறையினர் தெரிவிக்கின்றனர்.
இந்நிலையில், விபத்தை ஏற்படுத்திய வாகனம் மற்றும் சாரதியை காவல்துறையினர் கைது செய்துள்ளனர்.
விபத்து தொடர்பாக கிளிநொச்சி காவல்துறையினர் விசாரணைகளை மேற்கொண்டு வருகின்றனர்.
உயிரிழந்தவரின் சடலம் பிரேத பரிசோதனைக்காக கிளிநொச்சி மாவட்ட பொது வைத்தியசாலையில் வைக்கப்பட்டுள்ளது.