சமூக விரோதிகளை நிராகரித்த தமிழ் மக்கள்! இது ஆரம்பம் மட்டும் தான்.. சாணக்கியன் பகிரங்கம்

22 தேர்தல் மாவட்டங்களிலும் மட்டக்களப்பு மாவட்டத்தில் மட்டும் தான் தேசிய மக்கள் சக்தி தோல்வி கண்டுள்ளது, இது மட்டக்களப்பு மாவட்டத்திலுள்ள இலங்கை தமிழரசு கட்சி ஒவ்வொரு ஆதரவாளர்களின் வெற்றியாகும் என புதிதாக தெரிவு செய்யப்பட்டுள்ள மட்டு நா.உ. இரா.சாணக்கியன் தெரிவித்துள்ளார்.

இன்றையதினம் உத்தியோகபூர்வ முடிவுகள் வெளியானதை தொடர்ந்து, அந்த பகுதியில் கட்சி ஆதரவாளர்கள் பொதுமக்கள ஒன்று திரண்டு
வெற்றி பெற்ற நா.உறுப்பினர்களுக்கு மலர் மாலை அணிவித்து பொன்னாடை போர்த்தி கௌரவித்து மகிழ்சி தெரிவித்தனர்.

அதனை தொடர்ந்து, ஊடகங்களுக்கு கருத்து தெரிவிக்கையில் இவ்வாறு
தெரிவித்தார்.

தமிழ் மக்கள் 

இங்கு தொடர்ந்தும் கருத்து தெரிவித்த அவர், “ 2024 நாடாளுமன்ற தேர்தலில் மட்டக்களப்பு மாவட்டத்தில் தமிழரசு கட்சி
சார்பில் தனித்துவமாக போட்டியிட்டு சிறந்த மூன்று வேட்பாளர்களை அமோகமான வெற்றி பெற்றுள்ளனர்.

மாவட்டத்தில் 2020 ம் ஆண்டு தமிழரசுகட்சி ஒரு ஆசனத்தில் இருந்து இன்று 3
ஆசனங்களை பெற்று எங்கள் கட்சியின் வாக்கு வங்கியை அதிகரித்துள்ளோம்.

அதேவேளை
22 தேர்தல் மாவட்டங்களிலும் மட்டக்களப்பு மாவட்டத்தில் மட்டும் தான் தேசிய
மக்கள் சக்தி தோல்வி கண்டுள்ளது.

இது மட்டக்களப்பு மாவட்டத்திலுள்ள இலங்கை
தமிழரசு கட்சி ஒவ்வொரு ஆதரவாளர்களின் வெற்றியாகத்தான் பார்கின்றேன்.

அதேநேரத்தில் மாவட்டத்தில் கடந்த காலத்தில் சமூக விரோத செயற்பாட்டில் ஈடுபட்ட
அனைவரையும் தமிழ் மக்கள் நிராகரித்துள்ளனர்.

இது ஆரம்பம் மட்டும் தான் .

வடக்கு
கிழக்கிலே இம்முறை இலங்கை தமிழரசு கட்சி தான் தமிழ் மக்களின் பிரதானமான
கட்சியாக தெரிவாகியுள்ளது.

5 தேர்தல் மாவட்டத்தில் ஆசனம் கிடைத்த ஒரே ஒரு கட்சி தமிழரசு கட்சி அந்த
வகையில் தொடர்ச்சியாக தமிழரசு கட்சி தமிழ் மக்களின் குரலாக தமிழ் மக்களின்
பிரதான கட்சியாக இயங்கிகொள்ளும்.

தமிழரசு கட்சி

தமிழரசு கட்சி மிக முக்கியயமாக முன்வைக்கும் தமிழ் மக்களுடைய அரசியல் தீர்வு,
மற்றும் தமிழ் மக்கள் மீது நடந்த இனழிப்பு தொடர்பாக நீதி வேண்டும் அதேவேளை
எங்களுடைய நில அபகரிப்பு, காணி அபகிப்பு நிறுத்தப்படவேண்டும்.

தமிழ் மக்களுடைய
பிரதேசத்தில் அபிவிருத்தி நடக்க வேண்டும் இந்த நான்கு விடங்களுக்கும்
முக்கியமாக தமிழரசு கட்சி மக்களோடு மக்களாக நின்று அடுத்து 5 வருடங்களில்
உழைக்கும் என்ற செய்தியை மட்டக்களப்பில் இருந்து உலகமெங்கும் வாழும் தமிழ்
மக்களுக்கு செல்லிவைக்கின்றேன் ” என்றார்.

நடற்து முடிந்த தேர்தலில் மட்டக்களப்பு மாவட்டத்தில் போட்டியிட்ட இலங்கை
தமிழரசுகட்சி 96975 வாக்குளை பெற்று மூன்று பிரதி நிதிகளை பெற்றுக் கொண்டது.

இதில் இராசமாணிக்கம் சாணக்கியன் 65458, வாக்குகளையும் முன்னாள் நாடாளுமன்ற
உறுப்பினர் ஞானமுத்து சிறிநேசன் 22773 வாக்குகளையும் வைத்தியர் இளையதம்பி
சிறிநாத் 21202 விருப்பு வாக்குகளை பெற்று நாடாளுமன்ற உறுப்பினர்களாக தெரிவு செய்யப்பட்டுள்ளமை குறிப்பிடத்தக்கது.