இலங்கையின் ஜனாதிபதி அநுரகுமார திசாநாயக்க இந்தியாவுக்கான விஜயத்தை முடித்துக்கொண்ட பின்னர் இலங்கை அரசாங்கம் அதிகாரபூர்வ அறிக்கை ஒன்றை வெளியிட்டுள்ளது.
அதில், இந்திய ஜனாதிபதி திரௌபதி முர்முவின் அழைப்பின் பேரில்,2024 டிசம்பர் 15-17 வரையான காலப்பகுதியில் இந்தியாவுக்கு வந்திருந்த ஜனாதிபதி அநுர குமாரதிசாநாயக்க தனது இந்திய அரசு பயணத்தை வெற்றிகரமாக முடித்தார் என்று குறிப்பிடப்பட்டுள்ளது.
செப்டம்பரில் ஜனாதிபதியாக தேர்ந்தெடுக்கப்பட்ட பின்னர் இது அவரது முதல் அரசு முறைப் பயணமாகும், இது, இரண்டு நாடுகளாலும் வளர்க்கப்பட்ட ஆழமான வேரூன்றிய கலாசார மற்றும் நாகரிக உறவுகளையும் துடிப்பான சமகால உறவையும் குறிக்கிறதுஎன்று அந்த அறிக்கையில் தெரிவிக்கப்பட்டுள்ளது.
நரேந்திர மோடி
ஜனாதிபதி முர்மு மற்றும் பிரதமர் நரேந்திர மோடி ஆகியோரால் வரவேற்கப்பட்ட இலங்கையின் ஜனாதிபதிக்கு, 21 துப்பாக்கி வேட்டு மரியாதை மற்றும் மரியாதை அணிவகுப்புடன் ஜனாதிபதி பவனில் சம்பிரதாய வரவேற்பு அளிக்கப்பட்டது.
இதன் பின்னர், பாரம்பரியம் மற்றும் மதிப்புகளின் பொதுவான பாரம்பரியத்தின் அடிப்படையில் எண்ணற்ற துறைகளில் மேம்பட்ட ஒத்துழைப்பின் அவசியம் மற்றும் எதிர்காலத்திற்கான ஒரு தொலைநோக்குப் பார்வை உட்பட இருதரப்பு உறவு தொடர்பான விடயங்கள் குறித்தும் இரு தலைவர்களும் விவாதித்தனர்.
அத்துடன் ஜனாதிபதி திசாநாயக்காவை கௌரவிக்கும் வகையில் ஒரு அரசு விருந்துக்கு ஜனாதிபதி முர்மு ஏற்பாடு செய்தார்.
அதேநேரம், இணைப்பு, அபிவிருத்தி ஒத்துழைப்பு, விவசாயம், வர்த்தகம், முதலீடு, சுற்றுலா, மீன்வளப் பிரச்சினைகள் மற்றும் மக்கள் உறவுகள் ஆகியவற்றில் கவனம் செலுத்தும் பரஸ்பர இருதரப்பு ஆர்வமுள்ள விடயங்கள் குறித்த விரிவான பேச்சுவார்த்தைகளுக்காக, ஹைதராபாத் மாளிகையில் இலங்கை ஜனாதிபதி மற்றும் தூதுக்குழுவை பிரதமர் மோடி வரவேற்றார்” என கூறப்பட்டுள்ளது.
