அரசியல் தலையீடு காரணமாக முன்னர் பல்வேறு பணிகளில் ஈடுபட்டிருந்த ஓட்டுநர்கள் மற்றும் நடத்துனர்களை மீண்டும் பணியமர்த்த இலங்கை போக்குவரத்து சபை முடிவு செய்துள்ளதாக போக்குவரத்து பிரதி அமைச்சர் பிரசன்ன குமார குணசேன தெரிவித்துள்ளார்.
ஊடகங்களுக்கு கருத்து தெரிவிக்கும் போதே அவர் இதனை கூறியுள்ளார்.
இலங்கை போக்குவரத்து சபை முடிவு
இது தொடர்பில் அவர் மேலும் கூறுகையில்,”பல்வேறு பணிகளில் ஈடுபட்டிருந்த ஓட்டுநர்கள் மற்றும் நடத்துனர்களை மீண்டும் பணியமர்த்த இலங்கை போக்குவரத்து சபை முடிவு செய்துள்ளது.
இந்த முடிவு இன்று முதல் நடைமுறைக்கு வரவுள்ளது.
அரசியல் நியமனங்கள் காரணமாக இலங்கை போக்குவரத்து சபையின் 333 பேருந்து ஓட்டுநர்கள் பாதிக்கப்பட்டுள்ளனர்.
இந்த அரசியல் தலையீடு காரணமாக இலங்கை போக்குவரத்து சபையின் சாரதிகள் மற்றும் நடத்துனர்கள் தொடர்பில்லாத பல்வேறு கடமைகளுக்கு நியமிக்கப்பட்டுள்ளனர்.
ஓட்டுநர்கள் தங்கள் உடல் தகுதியை உறுதி செய்வதற்காக தொடர்புடைய மருத்துவ பரிசோதனைகளுக்கு உட்படுத்தப்படுவதுடன் அவர்களின் முடிவுகளின் அடிப்படையில் அவர்கள் தங்கள் ஓட்டுநர் பணிகளுக்கு மீண்டும் நியமிக்கப்படுவார்கள்.” என கூறியுள்ளார்.