யாழில் (Jaffna) சீன சொக்லேட் வகைகளை விற்பனைக்கு வைத்திருந்த கடை உரிமையாளருக்கு 64 ஆயிரம் ரூபாய் தண்டம் விதிக்கப்பட்டுள்ளது.
சண்டிலிப்பாய் சுகாதார வைத்திய அதிகாரி பணிமனைக்கு உட்பட்ட , மானிப்பாய் பொது சுகாதார பரிசோதகர் தலைமையிலான குழுவினர் மேற்கொண்ட சோதனை நடவடிக்கையின் போதே அவை பறிமுதல் செய்யப்பட்டுள்ளது.
குறித்த சீன சொக்லேட் வகைகள் அனுமதியற்ற வகையில் இலங்கைக்குள் கொண்டு வரப்பட்டு , உரிய சுட்டு துண்டுகள் இன்றி விற்பனைக்கு வைத்திருந்தமையை சோதனையில் அதிகாரிகள் கண்டறிந்துள்ளனர்.
நீதிமன்ற உத்தரவு
இந்நிலையில், அவற்றினை சான்று பொருட்களாக கைப்பற்றிய சுகாதார பரிசோதகர் , கடை உரிமையாளருக்கு எதிராக மல்லாகம் நீதவான் நீதிமன்றில் வழக்கு தொடர்ந்துள்ளார்.
இதையடுத்து, குறித்த வழக்கு நேற்றைய தினம்(20) விசாரணைக்கு எடுத்துக்கொள்ளப்பட்ட நிலையில், கடை உரிமையாளர் குற்றத்தை ஏற்றுக்கொண்டுள்ளதுடன் அவருக்கு 64 ஆயிரம் ரூபாய் தண்டம் விதிக்கப்பட்டுள்ளது.