இலங்கை தேசிய ஒலிம்பிக் குழுவின் முன்னாள் செயலாளர் மெக்ஸ்வெல் டி சில்வாவுக்கு ஐந்து ஆண்டுகள் தடை விதிக்கப்பட்டுள்ளதாக தெரிவிக்கப்பட்டுள்ளது.
முன்னதாக, பல ஆண்டுகள் பல்வேறு முறைகேடுகளில் ஈடுபட்டதாக கூறப்பட்டு சர்வதேச ஒலிம்பிக் கமிட்டி மற்றும் விளையாட்டு அமைச்சகத்தால் டி சில்வா இடைநீக்கம் செய்யப்பட்டார்.
இந்நிலையில், தேசிய ஒலிம்பிக் குழுவின் நெறிமுறைகள் குழுவின் பரிந்துரைகளைக் கருத்தில் கொண்டு, அவருக்கு 5 ஆண்டுகள் தடை விதிக்கப்பட்டதாக குழுவின் தலைவர் சுரேஷ் சுப்பிரமணியம் தெரிவித்துள்ளார்.
ஐந்து ஆண்டுகள் தடை
டி சில்வா மீதான தடை ஏற்கனவே எழுத்துப்பூர்வமாக சர்வதேச ஒலிம்பிக் குழுவிற்கு தெரிவிக்கப்பட்டதாகவும் அவர் கூறியுள்ளார்.
அதன்படி, ஐந்து ஆண்டுகள் தடை செய்யப்பட்டுள்ள முன்னாள் செயலாளர், எந்தவொரு வெளிநாட்டு நிகழ்விலும் அல்லது சர்வதேச மாநாட்டிலும் இலங்கை தேசிய ஒலிம்பிக் குழுவை பிரதிநிதித்துவப்படுத்த மாட்டார்.