ஸ்ரீ ஜயவர்தனபுர பொது மருத்துவமனையின் நரம்பியல் அறுவை சிகிச்சை நிபுணர்,
மேலாண்மை உதவியாளர் ஒருவர் மற்றும் அவரது ஊழியர் ஆகியோரை, ஊழல்
குற்றச்சாட்டுகள் தொடர்பாக ஜூன் 24 ஆம் திகதி வரை விளக்கமறியலில் வைக்க
கொழும்பு மேலதிக நீதவான் ஹர்சன கெக்குனவெல உத்தரவிட்டுள்ளார்.
நீதிமன்றில் முன்னிலை
முன்னதாக, சந்தேகநபர்களான ஸ்ரீ ஜயவர்தனபுர பொது மருத்துவமனையின் நரம்பியல்
அறுவை சிகிச்சை நிபுணர் டாக்டர் மகேசி சுரசிங்க விஜேரத்ன, அதே மருத்துவமனையின்
மேலாண்மை உதவியாளர் கெகுலந்தல லியனகே இந்திக மற்றும் மருத்துவரால்
நடத்தப்படும் தனியார் நிறுவனத்தின் ஊழியர் நிமல் ரஞ்சித் ஆகியோர் லஞ்சம்
அல்லது ஊழல் குற்றச்சாட்டுகளை விசாரிக்கும் ஆணையத்தால் கைது செய்யப்பட்டு
நீதிமன்றத்தில் முன்னிலைப்படுத்தப்பட்டனர்.
நரம்பியல் அறுவை சிகிச்சை நடைமுறைகளுக்குத் தேவையான அத்தியாவசிய அறுவை
சிகிச்சை பொருட்கள் மருத்துவமனையின் வருடாந்த கொள்முதல் மதிப்பீடுகளில்
சேர்க்கப்படவில்லை என்று ஆணையக அதிகாரிகள் நீதிமன்றத்தில் தெரிவித்தனர்.
நோயாளிகளுக்கு ஏற்பட்ட இழப்பு
அதற்கு பதிலாக, மருத்துவர் மற்றும் தொடர்புடைய ஊழியர்களின் மேற்பார்வையின்
கீழ், நோயாளிகள் இந்த பொருட்களை வெளிப்புற நிறுவனங்களிலிருந்து பெறுமாறு
அறிவுறுத்தப்பட்டதாக அவர்கள் சுட்டிக்காட்டினர்.
இதன் காரணமாக நோயாளிகளுக்கு ஏற்பட்ட இழப்பு 300 மில்லியன் ரூபாய்கள் என்றும்
குறித்த மருத்துவர் உட்பட்டவர்களுக்கு அதிக இலாபம் கிடைத்ததாகவும், ஆணையக
அதிகாரிகள் நீதிமன்றில் சுட்டிக்காட்டியுள்ளனர்.