யாழ்ப்பாணம் (Jaffna) – வடமராட்சி கிழக்கு வத்திராயன் முருகன் கோயிலிற்கு அருகாமையில் வெடிக்காத நிலையில் வெடிகுண்டு ஒன்று மீட்கப்பட்டுள்ளது.
குறித்த வெடிகுண்டு நேற்று (18) பிற்பகல் 12:00 மணியளவில் மீட்கப்பட்டுள்ளதாக தெரிவிக்கப்பட்டுள்ளது.
இச் சம்பவம் தொடர்பாக மேலும் தெரிய வருவதாவது,
யுத்த காலம்
குறித்த பகுதியில் வீடு ஒன்றினை நிர்மாணிப்பதற்க்காக அஸ்திவாரம் வெட்டிக் கொண்டிருந்தபோது மண்ணில் புதைந்திருந்த நிலையில் வெடிகுண்டு ஒன்றினை கண்டுள்ளனர்.
இந்நிலையில் உடனடியாக கட்டுமான வேலைகளை நிறுத்திவிட்டு சம்பவம் தொடர்பாக மருதங்கேணி காவல்துறையினருக்கு அறிவிக்கப்பட்டது.
இதனைத்தொடர்ந்து மாலை 5:00 மணியளவில் சம்பவ இடத்திற்கு சென்றிருந்த மருதங்கேணி காவல்துறையினர் குறித்த வெடிகுண்டை மீட்டு சென்றுள்ளனர்.
இது யுத்த காலத்தில் பயன்படுத்தப்பட்ட வெடிகுண்டாக இருக்கலாமென காவல்துறையினர் சந்தேகம் வெளியிட்டுள்ளனர்.