ஒழுங்கமைக்கப்பட்ட குற்றவாளிகளுக்காக சிறப்பு நீதிமன்ற அமைப்பை நிறுவ நடவடிக்கை எடுக்கப்பட்டு வருவதாக பொது பாதுகாப்பு மற்றும் நாடாளுமன்ற விவகார அமைச்சர் ஆனந்த விஜேயபால (Ananda Wijepala) தெரிவித்துள்ளார்.
அதன்படி, பல சிறப்பு உயர் நீதிமன்றங்களை நிறுவவும், இந்த ஒழுங்கமைக்கப்பட்ட குற்றவாளிகள் தொடர்பான வழக்குகளை விரைவாக முடித்து அவர்களுக்கு தண்டனை வழங்கவும் நடவடிக்கை எடுக்கப்படும் என்று அவர் குறிப்பிட்டுள்ளார்.
அரசாங்க தகவல் திணைக்களத்தில் நடைபெற்ற ஊடகவியலாளர் சந்திப்பில் அமைச்சர் இந்த விடயத்தை அறிவித்துள்ளார்.
இந்திய உளவுத்துறை சேவைகள்
இதேவேளை, இந்தோனேசியாவில் கூட்டு நடவடிக்கையின் பின்னர் கைது செய்யப்பட்ட ஒழுங்கமைக்கப்பட்ட குற்றச் செயல் கும்பல்களின் உறுப்பினர்களை அடுத்த இரண்டு அல்லது மூன்று நாட்களுக்குள் இலங்கைக்கு அழைத்து வர நடவடிக்கை எடுக்கப்படும் என்று பொது பாதுகாப்பு அமைச்சர் குறிப்பிட்டுள்ளார்.
தற்போதைய அரசாங்கம் மக்களுக்கு வாக்குறுதியளித்தபடி சட்ட அமலாக்க நிறுவனங்களின் சுதந்திரத்தை நிறுவியுள்ளது.
அதன்படி, ஒழுங்கமைக்கப்பட்ட குற்றவாளிகள் குழு ஒன்று கைது செய்யப்பட்டதாகவும், குற்றப் புலனாய்வுத் துறை மற்றும் இந்தோனேசிய காவல்துறை இணைந்து 7 நாட்கள் நடத்திய கூட்டு நடவடிக்கையின் விளைவாக இது நடந்ததாகவும் அமைச்சர் ஆனந்த விஜேபால தெரிவித்துள்ளார்.
சம்பந்தப்பட்ட நடவடிக்கைக்கு இந்திய உளவுத்துறை சேவைகள் ஆதரவு அளித்ததாகவும், அதற்கேற்ப திட்டம் செயல்படுத்தப்பட்டதாகவும், தற்போது செயலிழந்திருந்த உளவுத்துறை சேவையின் சில பகுதிகள் செயல்படுத்தப்பட்டுள்ளதாகவும் பொது பாதுகாப்பு மற்றும் நாடாளுமன்ற விவகார அமைச்சர் ஆனந்த விஜேயபால தெரிவித்துள்ளார்.