நகர்ப்புறங்களில் பயணிகள் போக்குவரத்தை மேம்படுத்தும் நோக்கில் 100 தாழ்த்தள பேருந்துகள் கொள்முதல் செய்யப்படவுள்ளதாக போக்குவரத்து, நெடுஞ்சாலை, துறைமுக மற்றும் சிவில் விமானப் போக்குவரத்து அமைச்சு அறிவித்துள்ளது.
அமைச்சின் தகவலின்படி, இந்த பேருந்துகள் நவீன வசதிகளுடன், சுகமாகவும் வடிவமைக்கப்பட்டுள்ளன.
மேலும், முதியவர்கள் மற்றும் மாற்றுத்திறனாளிகள் உள்ளிட்டோருக்கான அணுகல் வசதிகளை மேம்படுத்துவதுடன், பொதுப் போக்குவரத்தை அதிகம் பயன்படுத்த மக்களை ஊக்குவித்து நகரப் பகுதிகளில் போக்குவரத்து நெரிசலைக் குறைப்பதே இதன் நோக்கமாகும்.
அதிகாரப்பூர்வ ஏல அழைப்பு
இதற்கான ஏலங்களுக்கான அதிகாரப்பூர்வ அழைப்பு (Invitation for Bids – IFB) அதிகாரப்பூர்வமாக வெளியிடப்பட்டுள்ளது.
ஆர்வமுள்ள தரப்பினர்கள் தங்கள் முன்மொழிவுகளை சமர்ப்பிக்கலாம். ஏலம், பத்தரமுல்லையில் உள்ள சேத்சிரிபாயா – 2ஆம் கட்டத்தில் அமைந்துள்ள அமைச்சின் கொள்முதல் பிரிவின் மூலம் முன்னெடுக்கப்படும்.
மேலும் விவரங்களுக்கு அமைச்சின் அதிகாரப்பூர்வ இணையதளம் www.transport.gov.lk
அல்லது 0112-187213 என்ற தொலைபேசி மற்றும் தொலைநகல் எண்கள் மூலம் தொடர்புகொள்ளலாம் என அறிவிக்கப்பட்டுள்ளது.