தந்தை ஒருவரால் மகளுக்கு நேர்ந்த துயரம்

பதுளை(Badulla) – பசறை வெல்கொல்ல பிரதேசத்தில் தனது பத்து வயது மகளை தவறாக செயற்பாட்டிற்கு உட்படுத்திய தந்தை ஒருவர் கைது செய்யப்பட்டுள்ளார்.

குறித்த கைது நடவடிக்கை நேற்று(22.07.2024) இடம்பெற்றுள்ளது.

பசறை வெல்கொல்ல பிரதேசத்தில் வசிக்கும் இரண்டு பிள்ளைகளின் தந்தையான 45 வயதுடைய நபரே இவ்வாறு கைது செய்யப்பட்டுள்ளார்.

கைது நடவடிக்கை

சம்பவத்தில், பாதிக்கப்பட்ட சிறுமியின் நடத்தையில் கடந்த இரண்டு மூன்று தினங்களாக மாற்றங்கள் காணப்பட்டுள்ளன.

மாற்றம் குறித்து சிறுமியின் தாயார் கேட்டபோது, ​​கடந்த 19ஆம் திகதி தாய் வயல் வேலைக்குச் சென்ற போது தந்தையால் தனக்கு நேர்ந்த கொடுமை தொடர்பாக சிறுமி தனது தாயிடம் கூறியுள்ளதாக பொலிஸார் தெரிவித்துள்ளனர்.

இதனையடுத்து, சிறுமியின் தாய் பசறை பொலிஸ் நிலையத்தில் செய்த முறைப்பாட்டின் படி, சந்தேகநபரான தந்தையை பொலிஸார் கைது செய்துள்ளனர்.

இதன்போது, பாதிக்கப்பட்ட சிறுமி பசறை ஆதார வைத்தியசாலையில் அனுமதிக்கப்பட்டு பின்னர் வைத்திய பரிசோதனைக்காக பதுளை போதனா வைத்தியசாலைக்கு மாற்றப்பட்டதாக பொலிஸார் குறிப்பிட்டுள்ளனர்.

அத்துடன், கைது செய்யப்பட்ட சந்தேக நபரான சிறுமியின் தந்தை பசறை நீதவான் நீதிமன்றில் முன்னிலைப்படுத்தப்படவுள்ளார்.