ஜீவாவின் அகத்தியா
தமிழ் சினிமாவில் பிரபலமான ஹீரோக்களில் ஒருவர் ஜீவா. இவர் ராம், கற்றது தமிழ், கோ, நண்பன் உள்ளிட்ட பல சூப்பர்ஹிட் படங்களை கொடுத்துள்ளார்.
இவர் நடிப்பில் கடந்த ஆண்டு வெளிவந்த பிளாக் திரைப்படமும் வெற்றிபெற்றது. இதை தொடர்ந்து இவர் நடிப்பில் உருவாகி நேற்று வெளிவந்த திரைப்படம் அகத்தியா. இப்படத்தை பாடலாசிரியரும், இயக்குநருமான பா. விஜய் இயக்கியுள்ளார்.
சூர்யா, கார்த்தி இல்லை.. கூலி படத்திற்கு பின் இந்த ஹீரோவை இயக்குகிறாரா லோகேஷ்? அதிரடி தகவல்
மேலும் இப்படத்தில் ஜீவாவுடன் இணைந்து ராஷி கன்னா, அர்ஜுன் ஆகியோர் நடித்துள்ளனர். ஹாரர் அட்வென்ச்சர் கதைக்களத்தில் உருவாகியுள்ள இப்படம் மக்களிடையே ஓரளவு நல்ல வரவேற்பை பெற்றுள்ளது.
பாக்ஸ் ஆபிஸ்
இந்த நிலையில், நேற்று திரையரங்கில் வெளிவந்த இப்படம் முதல் நாள் உலகளவில் எவ்வளவு வசூல் செய்துள்ளது என்பது குறித்து தகவல் வெளியாகியுள்ளது.
அதன்படி, அகத்தியா திரைப்படம் உலகளவில் ரூ. 1.2 கோடி வசூல் செய்துள்ளது. இனி வரும் நாட்களில் இப்படத்தின் வசூல் எப்படி இருக்கும் என்பதை பொறுத்திருந்து பார்ப்போம்.