அமெரிக்காவில் வேலைவாய்ப்பு வளர்ச்சி குறைந்ததையடுத்து, தொழிலாளர் புள்ளியியல் ஆணையர் எரிகா மெக்என்டார்ஃபரை உடனடியாக பணிநீக்கம் செய்ய அந்நாட்டு ஜனாதிபதி டொனால்ட் ட்ரம்ப் உத்தரவிட்டுள்ளார்.
மே, ஜூன் மற்றும் ஜூலை மாதங்களில் அமெரிக்காவில் வேலைவாய்ப்பு வளர்ச்சியில் பாரிய சரிவு ஏற்பட்டதை குறிக்கும் வகையிலான ஒரு அறிக்கை இன்று வெளியிடப்பட்டுள்ளது.
இது அமெரிக்க பொருளாதாரத்தை பின்னடைய செய்யும் ஒரு அறிகுறி என சர்வதேச ஊடகங்கள் செய்தி வெளியிட்டிருந்தன.
பதவி வெற்றிடம்
இந்நிலையில், முன்னாள் ஜனாதிபதி ஜோ பைடனால் நியமிக்கப்பட்ட தொழிலாளர் புள்ளியியல் ஆணையரை பணிநீக்கம் செய்ய ட்ரம்ப் தீர்மானித்துள்ளார்.
குறித்த பதவி வெற்றிடத்துக்கு திறமையான ஒருவர் நியமிக்கப்படுவார் என அவர் குறிப்பிட்டுள்ளார்.
முன்னாள் துணை ஜனாதிபதி கமலா ஹரிஸின் வெற்றிவாய்ப்பை அதிகரிக்க தேர்தலுக்கு முன்னர் வேலை எண்களை போலியாக கூறியதாகவும் ஆணையர் மீது அவர் குற்றம் சுமத்தியுள்ளார்.