தமிழர் பகுதயில் மில்லியன் கணக்கில் தம்பதியினர் நிதிமோசடி : நீதிமன்றின் அதிரடி உத்தரவு

வவுனியாவில் (Vavuniya), மில்லியன் கணக்கில் பண மோசடியில் ஈடுப்பட்ட தம்பதியினரை 14 நாட்கள்
விளக்கமறியலில் வைக்குமாறு உத்தரவு பிறப்பிக்கப்பட்டுள்ளது.

குறித்த உத்தரவை நேற்று (22) வுனியா
நீதிமன்றம் பிறப்பித்துள்ளது.

ருமேனியாவிற்கு வேலைக்கு அனுப்புவதாக கூறி சுமார் 30 மில்லியன் ரூபாய் மோசடி
செய்ததாக ஒரு தம்பதியினருக்கு எதிராக முறைப்பாடுகள் மட்டக்களப்பு, ஏறாவூர்
காவல்துறையினருக்கு செய்யப்பட்டிருந்தது.

இந்தநிலையில், விசாரணையின் போது 28 இற்கும் மேற்பட்ட நபர்களை வெளிநாடுகளுக்கு அனுப்புவதாக
வாக்குறுதி அளித்து நிதி மோசடி செய்திருப்பதும் தெரியவந்துள்ளது.

நிதி மோசடி 

அவர்கள் 30
மில்லியன் ரூபாய் நிதியை மோசடி செய்ததாக செய்யப்பட்ட வழக்குக்கு அமைய ஏறாவூர்
நீதிமன்றத்தால் குறித்த கணவனுக்கு எதிராக 16 பிடியாணைகளும் மற்றும் மனைவிக்கு எதிராக
16 பிடியாணைகளும் ஆக 32 பிடியாணைகள் பிறப்பிக்கப்பட்டிருந்தது.

இந்தநிலையில், குறித்த தம்பதியினர் மட்டக்களப்பில் இருந்து வெளியேறி வவுனியா,
தோணிக்கல் பகுதியில் உள்ள வீடு ஒன்றில் மறைந்திருந்த நிலையில் வவுனியா
காவல்துறையினருக்கு கிடைத்த தகவலையடுத்து சிறப்பு தனிப்படை காவல்துறையினர் தோணிக்கல்
பகுதியில் சுற்றி வளைப்பை மேற்கொண்டனர்.

இதையடுத்து, கடந்த 21 ஆம் திகதி காவல்துறையினரால் தம்பதியினர் கைது செய்யப்பட்டுள்ளனர்.

கைது செய்யப்பட்ட நபர் 55 வயதும் அவரது மனைவி 48 வயதும் உடையவராவர் என தெரிவிக்கப்பட்டுள்ளது.

மேலதிக விசாரணைகளின் பின் குறித்த இருவரையும் வவுனியா நீதிமன்றில் முற்படுத்திய
நிலையில் 14 நாட்கள் விளக்கமறியலில் வைக்க மன்று உத்தரவிட்டுள்ளமை குறிப்பிடத்தக்கது.