நுரையீரல் தொற்று காரணமாக மருத்துவமனையில் அனுமதிக்கப்பட்ட முன்னாள் வங்கதேச பிரதமர் கலீதா ஜியாவின் உடல்நிலை மிகவும் மோசமாக உள்ளது என்று வெளிநாட்டு ஊடக தகவல்கள் தெரிவிக்கின்றன.
அவர் தலைவராக உள்ள வங்கதேச தேசியவாதக் கட்சி. 80 வயதான முன்னாள் பிரதமர் தற்போது தலைநகர் டாக்காவில் உள்ள ஒரு தனியார் மருத்துவமனையில் சிகிச்சை பெற்று வருகிறார்என்றும் மேலும் அவரது குடும்பத்தினர் விரைவில் குணமடைய வாழ்த்துக்களைத் தெரிவித்து கட்சி உறுப்பினர்களைக் கேட்டுள்ளதாக கூறப்படுகிறது.
தீவிர சிகிச்சைப் பிரிவில் சிகிச்சை
கலீதா இன்னும் தீவிர சிகிச்சைப் பிரிவில் சிகிச்சை பெற்று வருவதாக அவரது தனிப்பட்ட மருத்துவர் ஜாஹித் ஹொசைன் தெரிவித்துள்ளார்.
மகனின் வருகைக்கு தடை…!
ஷேக் ஹசீனாவின் அரசாங்கத்தில் ஊழல் குற்றச்சாட்டு சுமத்தப்பட்ட பின்னர் நாட்டை விட்டு வெளியேறிய அவரது மகன் தாரிக் ரஹ்மான் தற்போது இங்கிலாந்தில் வசித்து வருகிறார், மேலும் தனது தாயாரைப் பராமரிக்க வங்கதேசத்திற்குத் திரும்ப இடைக்கால அரசாங்கத்தின் உதவிக்காகக் காத்திருப்பதாகக் கூறப்படுகிறது. இதற்கு பதிலளிக்கும் விதமாக, அவர் வங்கதேசத்திற்குத் திரும்புவதற்கு எந்தத் தடையும் எதிர்ப்பும் இல்லை என்று இடைக்கால அரசாங்கம் அறிவித்துள்ளது.
முன்னாள் வங்காளதேச ஜனாதிபதி ஜியாவுர் ரஹ்மானின் மனைவியான கலீதா ஜியா, 1991 முதல் 1996 வரையிலும், 2001 முதல் 2006 வரையிலும் நாட்டின் பிரதமராகப் பணியாற்றினார். இதன் மூலம், வங்காளதேசத்தின் முதல் பெண் பிரதமராகவும், பாகிஸ்தானின் பெனாசிர் பூட்டோவுக்குப் பிறகு உலகின் இரண்டாவது முஸ்லிம் பிரதமராகவும் ஆனார்.