இந்தியப் பிரதமர் நரேந்திர மோடி இன்று திங்கள்கிழமை ஜனாதிபதி அனுர குமார திசாநாயக்கவுடன் தொலைபேசியில் உரையாடினார், இதன்போது டித்வா புயலால் ஏற்பட்ட உயிர் இழப்புகள் மற்றும் பரவலான பேரழிவுகளுக்கு தனது இரங்கலை தெரிவித்தார்.
இந்த கடினமான காலகட்டத்தில் இந்திய மக்கள் இலங்கையுடன் ஒற்றுமையாக இருப்பதாகவும், ஒபரேஷன் சாகர் பந்துவின் கீழ் தொடர்ந்து உதவி வழங்குவதாகவும் பிரதமர் மோடி தெரிவித்தார்.
இந்தியா தொடர்ந்து உதவும்
இலங்கை மறுவாழ்வு, சேவைகளை மீட்டெடுப்பது மற்றும் பாதிக்கப்பட்ட சமூகங்களை மீண்டும் கட்டியெழுப்புவதற்கான பணிகளைத் தொடங்கும்போது, இந்தியா தொடர்ந்து மீட்பு மற்றும் நிவாரண முயற்சிகளை ஆதரிக்கும் என்றும் அவர் கூறினார்.
மீட்புக் குழுக்கள் மற்றும் அவசரகால நிவாரணப் பொருட்களை அனுப்புதல் உள்ளிட்ட இந்தியாவின் விரைவான செயற்பாட்டிற்கு ஜனாதிபதி அநுர ஆழ்ந்த நன்றியைத் தெரிவித்தார்.
சரியான நேரத்தில் உதவி – ஜனாதிபதி அநுரவின் நன்றி
இந்தியாவின் சரியான நேரத்தில் மற்றும் பயனுள்ள உதவிக்கு இலங்கை மக்களின் பாராட்டுகளைத் தெரிவித்தார்.
மஹாசாகர் தொலைநோக்குப் பார்வை மற்றும் பிராந்தியத்தின் முதல் பதிலளிப்பாளராக அதன் பங்கால் வழிநடத்தப்படும் இந்தியா, வரும் நாட்களில் தேவையான அனைத்து உதவிகளையும் வழங்கும் என்று பிரதமர் மோடி குறிப்பிட்டார்.
நிலைமை சீரடையும்போது, நெருங்கிய தொடர்பில் இருக்க இரு தலைவர்களும் ஒப்புக்கொண்டனர்.