புதிய இணைப்பு
ஐக்கிய மக்கள் சக்தியின் 4 நாடாளுமன்ற உறுப்பினர் பதவிகளுக்கான வெற்றிடமான தேசியப் பட்டியல் பெயர்கள் தேர்தல்கள் ஆணைக்குழுவிற்கு அனுப்பி வைக்கப்பட்டுள்ளன.
இதன்படி, முன்னாள் நாடாளுமன்ற உறுப்பினர்களான தமிழ் முற்போக்கு கூட்டணியின் தலைவர் மனோ கணேசன், சுஜீவ சேனசிங்க மற்றும் ஸ்ரீலங்கா முஸ்லிம் காங்கிரஸின் செயலாளர் நிஷாம் காரியப்பர் மற்றும் அகில இலங்கை மக்கள் காங்கிரஸின் மொஹமட் ஸ்மைல் முத்து மொஹமட் ஆகியோரின் பெயர்கள் குறிப்பிடப்பட்டுள்ளதாக தெரிவிக்கப்படுகின்றது.
கடந்த நாடாளுமன்றத் தேர்தலில் ஐக்கிய மக்கள் சக்தி கட்சிக்கு 05 தேசியப்பட்டியல் ஆசனங்களைப் பெற்றுக் கொண்டிருந்த நிலையில், அதில் ஒரு ஆசனம் கட்சியின் பொதுச் செயலாளர் ரஞ்சித் மத்துமபண்டாரவுக்கு வழங்கப்பட்டிருந்தது.
முதலாம் இணைப்பு
ஐக்கிய மக்கள் சக்தி கட்சியின் தேசியப் பட்டியல் ஆசனங்கள் தொடர்பான பெயர் பட்டியலை தேர்தல்கள் ஆணைக்குழுவுக்கு அனுப்புவதற்கு எதிராக இடைக்கால தடை உத்தரவு பிறப்பிக்கப்பட்டுள்ளது.
கொழும்பு மாவட்ட நீதிமன்றம் இன்று இந்த தடை உத்தரவை பிறப்பித்தது.
இடைக்கால தடை உத்தரவு
ஸ்ரீலங்கா முஸ்லிம் காங்கிரஸின் செயலாளர் நிசாம் காரியப்பரின் பெயர் இல்லாமல் ஐக்கிய மக்கள் சக்தியின் தேசியப்பட்டியல் நாடாளுமன்ற உறுப்பினர்களின் வெற்றிடங்களுக்கான பெயர்களை தேர்தல் ஆணைக்குழுவுக்கு அனுப்புவதற்கு எதிராக இந்த முறைப்பாடு செய்யப்பட்டிருந்தது.
ஸ்ரீலங்கா முஸ்லிம் காங்கிரஸின் தலைவர் ரவூப் ஹக்கீம் சமர்ப்பித்த இந்த முறைப்பாட்டை பரிசீலித்த நீதிமன்றம் ஐக்கிய மக்கள் சக்தியின் தேசியப் பட்டியல் நாடாளுமன்ற உறுப்பினர் பெயர் விபரங்களை தேர்தல் ஆணைக்குழுவுக்கு அனுப்புவதற்கு எதிராக இடைக்கால தடை உத்தரவினை பிறப்பித்துள்ளது.