இலங்கைக்கு விஜயம் மேற்கொள்ளவுள்ள ஜப்பானிய வெளிவிவகார அமைச்சர்

ஜப்பானிய(Japan) வெளிவிவகார அமைச்சர் யோகோ கமிகாவா(Yoko Kamikawa) இரண்டு நாள் உத்தியோகபூர்வ விஜயம் மேற்கொண்டு இலங்கை வரவுள்ளதாக தெரிவிக்கப்படுகிறது.

அதனடிப்படையில் அடுத்த மாதத்தின் முதல் வாரத்தில் அவர் நாட்டுக்கு வருகை தரவுள்ளார்.

கடன் மறுசீரமைப்பு

இந்த விஜயத்தின் போது ஜனாதிபதி ரணில் விக்ரமசிங்க(Ranil Wickremesinghe), பிரதமர் தினேஷ் குணவர்தன(Dinesh Gunawardena) மற்றும் வெளிவிவகார அமைச்சர் அலி சப்ரி(Ali Sabry) ஆகியோரை அவர் சந்திக்கவுள்ளதாக கூறப்படுகிறது.

இதன்போது, அவர் கொழும்பு துறைமுகத்துக்கான கண்காணிப்பு விஜயமொன்றையும் மேற்கொள்ளவுள்ளதாகவும் தெரிவிக்கப்பட்டுள்ளது.

அவரது இந்த விஜயத்தின் போது இருதரப்பு கடன் மறுசீரமைப்பு தொடர்பான இறுதி ஒப்பந்தம் குறித்தும் கலந்துரையாடப்படும் என்றும் எதிர்பார்க்கப்படுகிறமை குறிப்பிடத்தக்கது.