கங்குவா படம் இத்தனை கோடி நஷ்டமா.. இதுவரை செய்துள்ள வசூல், இதோ

கங்குவா

தமிழ் சினிமாவில் முன்னணி ஹீரோவாக இருப்பவர் சூர்யா. இவர் நடிப்பில் பிரம்மாண்டமாக உருவாகி சமீபத்தில் வெளிவந்த திரைப்படம் கங்குவா.

இப்படத்தை இயக்குனர் சிறுத்தை சிவா இயக்க, ஸ்டூடியோ க்ரீன் ஞானவேல் ராஜா தயாரித்து இருந்தார். இப்படத்தில் சூர்யாவுடன் இணைந்து பாபி தியோல், திஷா பாட்னி, கருணாஸ், நட்டி நட்ராஜ் என பலரும் நடித்திருந்தனர்.

பெரிதும் எதிர்பார்ப்பில் வெளிவந்த இப்படம் மக்கள் மத்தியில் கலவையான விமர்சனங்களை பெற்றது. இதனால் இப்படத்தின் வசூலும் பாதிக்கப்பட்டது.

வசூல் –  நஷ்டம்

இந்த நிலையில், கங்குவா திரைப்படம் இதுவரை உலகளவில் செய்துள்ள வசூல் குறித்து தகவல் வெளியாகியுள்ளது. அதன்படி, கங்குவா படம் உலகளவில் இதுவரை ரூ. 108 கோடிக்கும் மேல் வசூல் செய்துள்ளது.

இப்படம் ரூ. 500 கோடிக்கும் மேல் வசூல் செய்யும் என எதிர்பார்க்கப்பட்ட நிலையில் ரூ. 108 கோடி வரை தான், இதுவரை வசூலாகியுள்ளது. மேலும் ரூ. 70 கோடி முதல் ரூ. 80 கோடி வரை நஷ்டம் வரலாம் என எதிர்ப்பார்க்கப்படுகிறது.