அநுர அரசில் சம்பளமின்றி பணியாற்றவுள்ள அமைச்சர்கள் மற்றும் எம். பிக்கள்

தேசிய மக்கள் சக்தி அரசாங்கத்தில் அங்கம் வகிக்கும் அமைச்சர்கள் மற்றும் நாடாளுமன்ற உறுப்பினர்களுக்கு சம்பளம் வழங்கப்பட மாட்டாது என கட்சியின் அனுராதபுரம் (Anuradhapura) மாவட்ட நாடாளுமன்ற உறுப்பினர் சுசந்த குமார (Susantha Kumara) தெரிவித்துள்ளார்.

இந்த விடயத்தை ஊடக சந்திப்பு ஒன்றில் பங்கேற்று உரையாற்றிய போது அவர் குறிப்பிட்டுள்ளார். 

குறுகிய காலத்தில் விழுந்து விடாது

அவர் தொடர்ந்து கருத்து வெளியிடுகையில், அனைத்து நாடாளுமன்ற உறுப்பினர்களும் அமைச்சர்களும் சம்பளம் பெற்றுக் கொள்ளாது தமது கடமைகளை முன்னெடுக்க ஆயத்தமாக உள்ளனர்.

இது தொடர்பிலான ஆரம்ப இனக்கப்பாடு ஏட்டப்பட்டுள்ளதாக என சுசந்த குமார தெரிவித்துள்ளார்.

கடந்த 76 வருடங்களாக மகிழ்ச்சியாக வாழ்வது என்பது மக்களுக்கு வெறும் கனவாக காணப்பட்டது.

எதிர்க்கட்சிகள் கூறுவது போன்று தற்போதைய அரசாங்கம் குறுகிய காலத்தில் விழுந்து விடாது என சுசந்த குமார மேலும் தெரிவித்துள்ளார்.