ஜனாதிபதி வேட்பாளர் நாமல் ராஜபக்ச (Namal Rajapaksa) தேர்தல் பிரசார
நடவடிக்கைக்காக யாழ்ப்பாணத்திற்கு (Jaffna) இன்று சென்றுள்ள நிலையில் அங்கு மதகுருக்களை சந்தித்து கலந்துரையாடியுள்ளார்.
நல்லை ஆதீன குரு
இதற்கமைய, அவர், நல்லை
ஆதீனத்திற்குச் இன்று (12.09.2024) விஜயம் செய்து நல்லை ஆதீன குரு முதல்வர்
ஶ்ரீலஶ்ரீ சோமசுந்தர பரமாச்சாரியார் சுவாமிகளை சந்தித்த நாமல் பொன்னாடை போர்த்து கௌரவித்துள்ளார்.
இதன்போது, பல்வேறு விடயங்கள் கலந்துரையாடப்பட்ட நிலையில் நல்லை ஆதீன குரு முதல்வரால்
நாமல் ராஜபக்சவுக்கு நினைவு சின்னமாக நந்திக் கொடி வழங்கப்பட்டுள்ளது.
யாழ்.மறை மாவட்ட ஆயர்
அதேவேளை, நாமல் ராஜபக்சவிற்கும் யாழ்.மறை மாவட்ட ஆயரிற்கும் இடையில் சந்திப்பு ஒன்று இடம்பெற்றுள்ளது.
குறித்த சந்திப்பானது, இன்று காலை (12.09.2024) யாழ். மறை மாவட்ட ஆயர் இல்லத்தில் நடைபெற்றுள்ளது.
இதன்போது, யாழ். மறை மாவட்ட ஆயர் ஜஸ்டின் ஞானப்பிரகாசம் மற்றும் நாமல் ராஜபக்ச இடையிலே 15 நிமிடங்கள் கலந்துரையாடல் இடம்பெற்றுள்ளதுடன் அது தொடர்பான விடயங்களை நாமல் ராஜபக்ச பின்னர் தெரிவிப்பதாகவும் குறிப்பிட்டுள்ளார்.
மேலும், இச்சந்திப்பில் நாமல் ராஜபக்ச மற்றும் அவர் தரப்பை சார்ந்தவர்கள் பலரும் கலந்து கொண்டுள்ளனர்.
