யாழில் மிக்சருக்குள் இருந்த பொரிந்த பல்லி: கேள்விக்குறியாகும் உணவு பாதுகாப்பு

யாழ். செல்வச்சந்நிதி ஆலய சூழலில் விற்கப்பட்ட மிக்சருக்குள் பொரித்த நிலையில் பல்லி ஒன்று காணப்பட்ட சம்பவம் அதிர்ச்சியை ஏற்படுத்தியுள்ளது. 

குறித்த சம்பவமானது நேற்று (24) இரவு இடம்பெற்றுள்ளது.

இந்த சம்பவம் தொடர்பில் தெரியவருகையில், சந்நிதி ஆலயத்தில் நேற்று இரவு, ஆனிப்பொங்கல் விசேட பூஜை வழிபாடுகள் இடம்பெற்றன.

பொரித்த நிலையில் பல்லி

இதன்போது, பூஜையில் கலந்துக்கொண்ட ஒருவர், ஆலய சூழலில் உள்ள இனிப்பு கடை ஒன்றில் மிக்சரை வாங்கியபோது அதனுள் பொரித்த நிலையில் பல்லியொன்று காணப்பட்டுள்ளது.

இது குறித்து அப்பகுதி பொதுச் சுகாதாரப் பரிசோதகருக்கு அறிவிக்கப்பட்டது.

வழக்கு தாக்கல்

இதனையடுத்து, பல்லியுடன் காணப்பட்ட மிக்சரை பெற்றுக்கொண்ட பொதுச் சுகாதாரப் பரிசோதகர் குறித்த இனிப்பு கடைக்கு எதிராக பருத்தித்துறை நீதவான் நீதிமன்றில் வழக்கு தாக்கல் செய்துள்ளார்.

இந்த நிலையில், குறித்த வழக்கு எதிர்வரும் 27ஆம் திகதி விசாரணைக்கு எடுத்துக்கொள்ளப்படவுள்ளதாக தெரிவிக்கப்பட்டுள்ளது.