லண்டன் சவுத்எண்ட் விமான நிலையத்தில்(London Southend Airport) ஒரு விமானம் விபத்துக்குள்ளாகி பற்றி எரிவதாக தகவல் வெளியாகி உள்ளது.
இன்று ஞாயிற்றுக்கிழமை(13) பிற்பகல் 12 மீட்டர் நீளம் கொண்ட விமானம் விபத்துக்குள்ளாகி தீப்பிடித்து எரிவதாக எசெக்ஸ் காவல்துறை தெரிவித்துள்ளது.
விமான நிலையத்தின் செய்தித் தொடர்பாளர் ஒருவர் கூறியதாவது: “இன்று மதியம் லண்டன் சவுத்எண்ட் விமான நிலையத்தில் ஒரு பொது விமானம் சம்பந்தப்பட்ட ஒரு கடுமையான சம்பவம் நடந்திருப்பதை நாங்கள் உறுதிப்படுத்த முடியும்.”
புறப்பட திட்டமிடப்பட்ட நான்கு விமானங்கள் ரத்து
விமான நிலையத்தின் வலைத்தளத்தின்படி, ஞாயிற்றுக்கிழமை பிற்பகல் புறப்பட திட்டமிடப்பட்ட நான்கு விமானங்கள் ரத்து செய்யப்பட்டுள்ளன.
உள்ளூர் அதிகாரிகளுடன் இணைந்து பணியாற்றி வருவதாகவும், “முடிந்தவரை விரைவில்” கூடுதல் தகவல்களை வழங்f முடியும் என்றும் விமான நிலையம் தெரிவித்துள்ளது.
விபத்தைத் தொடர்ந்து சவுத்எண்ட் விமான நிலையத்திலிருந்து வரும் அனைத்து விமானங்களும் ரத்து செய்யப்பட்டுள்ளன
பொதுமக்களுக்கு விடுக்கப்பட்ட அறிவிப்பு
எசெக்ஸ் காவல்துறையின் செய்தித் தொடர்பாளர் ஒருவர் கூறியதாவது: “சம்பவ இடத்தில் உள்ள அனைத்து அவசர சேவைகளுடனும் நாங்கள் இப்போது பணியாற்றி வருகிறோம், மேலும் அந்தப் பணி பல மணி நேரம் தொடரும்.
“இந்தப் பணி தொடரும் வரை, முடிந்தவரை பொதுமக்கள் இந்தப் பகுதியைத் தவிர்க்குமாறு கேட்டுக்கொள்கிறோம்.”
இந்த விமானத்தில் பயணித்தவர்கள் தொடர்பில் எந்தவொரு தகவலும் வெளியாகவில்லை.