முன்னாள் அமைச்சர் ராஜித சேனாரத்ன, இலஞ்சம் ஒழிப்பு ஆணைக்குழுவால் கைது செய்யப்படுவதைத் தடுக்க, கொழும்பு நீதவான் நீதிமன்றத்தில் முன்பிணை மனு தாக்கல் செய்துள்ளார்.
ரூ.26.2 மில்லியன் நட்டத்தை அரசுக்கு ஏற்படுத்திய மணல் அகழ்வுத் தொகுதி ஒப்பந்தம் தொடர்பான வழக்கில், ராஜித சேனாரத்ன கைது இருந்து தப்பிக்க முயற்சிப்பதாக கடந்த வெள்ளிக்கிழமை நீதிமன்றத்தில் இலஞ்சம் ஒழிப்பு ஆணைக்குழு தெரிவித்தது.
அமைச்சர் ராஜித சேனாரத்ன தனது தொலைபேசி எண்ணை துண்டித்துவிட்டு, தனது வீட்டை விட்டும் வெளியேறி, பலமுறை அனுப்பிய அழைப்பாணைகளை புறக்கணித்துள்ளதாக ஆணைக்குழு கூறியுள்ளது.
நீதிமன்ற உத்தரவு
மேலும், அவரது வழக்கறிஞர் மூலம் சமர்ப்பிக்கப்பட்ட மருத்துவ அறிக்கையும் செல்லாததாக தீர்மானிக்கப்பட்டதாகவும் கூறப்பட்டுள்ளது.
இதையடுத்து, இலஞ்சம் ஒழிப்பு ஆணைக்குழு பிடியாணை உத்தரவு ஒன்றை கோர முயற்சித்தது. எனினும், நீதிமன்றம், அதற்கான சரியான ஆவணங்கள் தேவைப்படுவதை நினைவூட்டியது.
பின்னர் சந்தேக நபர்களை கைது செய்யும் அதிகாரம் இலஞ்சம் ஒழிப்பு ஆணைக்குழுவுக்கு இருப்பதாகவும், தேவையான நடவடிக்கைகளை மேற்கொள்ளுமாறு நீதிமன்றம் உத்தரவு பிறப்பித்திருந்தது.