யாழ் இந்துக் கல்லூரி மற்றும் யாழ்ப்பாணம் மத்திய கல்லூரிகளுக்கு இடையே கடந்த 04.06.2026 அன்று நடைபெற்ற மாகாண மட்ட மேசைப்பந்து போட்டிகளில் யா/மகாஜனக் கல்லூரி அணிகள் தமது திறமையினை மிகவும் சிறப்பாக வெளிக்காட்டியிருந்தன.
அந்த வகையில் 16வயது பிரிவு ஆண்கள் அணியானது யா/இந்துகல்லூரி அணியை இறுதிப் போட்டியில் வென்று 16வயது பிரிவின் வெற்றியாளர்களாக(Champion ) தெரிவானார்கள்.இப்போட்டிகள் யா/இந்து கல்லூரியில் நடைபெற்றன.
பெண்களிற்கான மேசைப்பந்தாட்ட போட்டி
யாழ் மத்திய கல்லூரியில் நடைபெற்ற பெண்களிற்கான மேசைப்பந்தாட்ட போட்டிகளில் மகாஜனக் கல்லூரியின் மாணவி வி.யௌவனா20வயது பிரிவு தனிநபர்களிற்கிடையிலான( Individuals ) போட்டியில் யா/வேம்படி பெண்கள் உயர்தர பாடசாலை மாணவியை வென்று மாகாணமட்ட முதல்நிலை (Champion ) வீராங்கனையாக தெரிவுசெய்யப்பட்டதுடன் சிறந்த மேசைப்பந்தாட்ட வீரர்(Best player award ) விருதையும் பெற்று மகாஜனக் கல்லூரிக்கு மேலும் பெருமை சேர்த்தார்.
குழு நிகழ்வில் மகாஜனாவின் 18வயது பிரிவு பெண்கள் அணி
குழு நிகழ்வில் மகாஜனாவின் 18வயது பிரிவு பெண்கள் அணி யா/திருக்குடும்ப கன்னியர்மட அணியை வென்று 3ம் இடத்தை பெற்றுக்கொண்டது.
Source: https://ibctamil.com/article/tellippalai-mahajana-students-in-table-tennis-1781096190