புதிய அரசாங்கத்தின், அமைச்சரவை பேச்சாளராக சுகாதார மற்றும் வெகுஜன ஊடக அமைச்சர் நளிந்த ஜயதிஸ்ஸ(Nalinda Jayatissa) நியமிக்கப்பட்டுள்ளார்.
புதிய அரசாங்கத்தின் முதலாவது அமைச்சரவை கூட்டம் இன்றையதினம் இடம்பெற்றபோதே நளிந்த ஜயதிஸ்ஸ அமைச்சரவைப் பேச்சாளராக நியமிக்கப்பட்டுள்ளார்.
மூன்று மணித்தியாலங்கள் நீடித்த கூட்டம்
ஜனாதிபதி அநுரகுமார திஸாநாயக்க(Anura Kumara Dissanayaka) தலைமையில், ஜனாதிபதி செயலகத்தில் இந்த அமைச்சரவைக் கூட்டம் இடம்பெற்றது.
காலை 09.30 மணியளவில் ஆரம்பமான அமைச்சரவைக் கூட்டம் கிட்டத்தட்ட மூன்று மணித்தியாலங்கள் நீடித்துள்ளது
புதிய அரசாங்கத்தின் 21 அமைச்சரவை அமைச்சர்கள் நேற்று பதவிப்பிரமாணம் செய்துகொண்டதுடன், அவர்களில் சிலர் இன்று பிற்பகல் அந்தந்த அமைச்சுக்களைப் பொறுப்பேற்க உள்ளதாக தெரிவிக்கப்படுகின்றது.