முல்லைத்தீவில் கோர விபத்து – இரு இளைஞர்கள் பரிதாபமாக பலி

முல்லைத்தீவு (Mullaitivu) பகுதியில் இடம்பெற்ற கோர விபத்தில் 2 இளைஞர்கள் உயிரிழந்துள்ளதுடன் மற்றுமொருவர் படுகாயமடைந்துள்ளார்.

குறித்த விபத்து முல்லைத்தீவு – மல்லாவி – வன்னிவிளாங்குளம் பகுதியில் நேற்று (20.10.2024) புதன்கிழமை மாலை இடம்பெற்றுள்ளது.

இதன்போது வன்னிவிளாங்குளம் பகுதியைச் சேர்ந்த சந்திரன் விதுசன் (வயது 20), மாங்குளம் – புதிய கொலணி பகுதியைச் சேர்ந்த விஜயகுமார் விதுர்சன் (வயது 20) ஆகிய இளைஞர்களே உயிரிழந்துள்ளனர்.

மேலதிக விசாரணை

விபத்து தொடர்பில் மேலும் தெரியவருகையில், மாங்குளத்திலிருந்து மல்லாவி நோக்கி வந்த மோட்டார் சைக்கிளும் மல்லாவி
பகுதியிலிருந்து மாங்குளம் நோக்கிச் சென்று கொண்டிருந்த மோட்டார் சைக்கிளும்
நேருக்கு நேர் மோதிக்கொண்டதாலேயே இந்த விபத்து சம்பவித்துள்ளது.

இதேவேளை, சம்பவத்தில் படுகாயமடைந்த மாங்குளம் பகுதியைச் சேர்ந்த மற்றைய இளைஞர்
மாங்குளம் ஆதார வைத்தியசாலை அம்புலன்ஸ் ஊடாக கிளிநொச்சி மாவட்ட பொது
வைத்தியசாலைக்கு மாற்றப்பட்டுள்ளார்.

உயிரிழந்த இருவரின் சடலங்களும் மாங்குளம் ஆதார வைத்தியசாலையில் இருந்து பிரேத
பரிசோதனைக்காக முல்லைத்தீவு மாவட்ட வைத்தியசாலைக்கு மாற்றப்பட்டுள்ளன.

விபத்து தொடர்பான மேலதிக விசாரணைகளை மாங்குளம் காவல்துறையினர் மேற்கொண்டு
வருகின்றனர்.