நாடாளுமன்றத்திற்கு தெரிவு செய்யப்படும் உறுப்பினர் ஒருவருக்கு சட்டரீதியாக 7 விசேட சலுகைகள் உள்ளதாக தெரிவிக்கப்பட்டுள்ளது.
இதன்படி நாடாளுமன்ற உறுப்பினருக்கு துப்பாக்கி பயிற்சி, காவல்துறை பாதுகாப்பு மற்றும் முகப்பு விளக்குகளுக்கு 4 கூடுதல் விளக்குகள் வழங்க உரிமை உண்டு.
பல சம்பளம் மற்றும் கொடுப்பனவுகளும் கிடைக்கின்றன. நாடாளுமன்ற உறுப்பினர் சம்பளம் ரூ. 54285/- ஒரு நாடாளுமன்ற கூட்டத்திற்கு ரூ. 2500/- உதவித் தொகையும் உண்டு.
எம்.பி.க்களுக்கு அடுத்த சலுகையாக வீட்டின் மாத வாடகை. ரூ. 2000/- வழங்கப்படும்
எம்.பிக்கான கொடுப்பனவு
இது தவிர, ஒரு எம்.பி., அலுவலகம் நடத்த, மாதம், ஒரு லட்சம் ரூபாய் சம்பளமாக வழங்கப்படுகிறது. அத்துடன், ஒரு எம்.பி.க்கு பத்து லட்சம் ரூபாய் மதிப்புள்ள காப்பீட்டுத் தொகையும் வழங்கப்படும். எம்.பி., உயிரிழப்பு ஏற்பட்டால், ஒரு கோடி ரூபாய் இழப்பீடு வழங்கப்படும். ஒரு எம்.பி.யின் பொதுவான நோய்களுக்கு நாடாளுமன்ற மருத்துவ மையத்தில் சிகிச்சை அளிக்கப்படுகிறது.
வாகன உரிமம் மற்றும் இராஜதந்திர கடவுச்சீட்டு
எம்.பி.க்கள் வாகன உரிமம் மற்றும் இராஜதந்திர கடவுச்சீட்டையும் வரிச் சலுகையுடன் பெறுகின்றனர். இது தவிர, நாடாளுமன்றில் உறுப்பினர் ஒருவர் கூறிய விடயம் தொடர்பில் வழக்கு தொடர முடியாது. அது குறித்து கேள்வி கேட்கவோ, கைது செய்யவோ வாய்ப்பில்லை என்று சிறப்புரிமைச் சட்டத்தில் கூறப்பட்டுள்ளது.
நாடாளுமன்ற உறுப்பினர் ஒருவருக்கு 7 முக்கிய சிறப்புரிமைகள் மற்றும் பக்க சலுகைகள் பல என இது தொடர்பான விதிமுறைகளில் குறிப்பிடப்பட்டுள்ளது.