மட்டக்களப்பு கரடியனாறு, வெல்லாவெளி, களவாஞ்சிக்குடி பொலிஸ் பிரிலுள்ள
பிரதேசத்தில் கடந்த இரு தினங்களில் மாட்டுப் பட்டியில் இருந்த 7 பசுமாடுகள் 11
எருமை மாடுகள் உட்பட 18 மாடுகள் திருட்டுப் போயுள்ளதாக பொலிஸார் தெரிவித்துள்ளனர்.
கரடியனாறு பொலிஸ் பிரிவிலுள்ள மாட்டுப்பட்டியில் வழமைபோல வியாழக்கிழமை இரவு
எருமை மாடுகளை பட்டியில் அடைத்திருந்த நிலையில் வெள்ளிக்கிழமை 11ஆம் திகதி
சென்று பார்த்தபோது அங்கிருந்த 11 எருமை மாடுகள் காணாமல் போயுள்ளதாக பொலிஸ்
நிலையத்தில் மாட்டின் உரிமையாளர் முறைப்பாடு செய்துள்ளார்.
பொலிஸார் விசாரணை
அதேவேளை வியாழக்கிழமை (10) திகதி வெல்லாவெளி பிரதேசத்தில் 3 பசுமாடுகளும்
நேற்று வெள்ளிக்கிழமை 11ஆம் திகதி ஒரு பசுமாடு உட்பட 4 மாடுகளும், களுவாஞ்சிக்குடி பொலிஸ் நிலைய பிரிவில் 3 பசுமாடுகள்
திருட்டுப்போயுள்ளதையடுத்து 18 மாடுகள் இரு தினத்தில் திருட்டுப் போயுள்ளது.
இந்நிலையில், குறித்த திருட்டுச் சம்பவம் தொடர்பாக அந்தந்த பொலிஸ் நிலைய பொலிஸார் விசாரணைகளை
மேற்கொண்டு வருகின்றனர்.