தொழில்நுட்ப நிறுவனமான கூகுள் (Google) அதன் Gemini AI செயலியை இலங்கை(Sri lanka) மற்றும் இந்தியாவில்(India) அறிமுகப்படுத்தியுள்ளது.
ஆங்கிலத்தில் மட்டுமே கிடைத்த AI சாட்போட், இப்போது பயனர்களை தமிழ், ஹிந்தி, பெங்காலி, குஜராத்தி, கன்னடம், மலையாளம், மராத்தி, தெலுங்கு மற்றும் உருது மொழிகளில் தட்டச்சு செய்ய அல்லது பேச அனுமதிக்கிறது.
இந்த தகவலை கூகுள் சிஇஓ சுந்தர் பிச்சை(Sundar Pichai) சமூக வலைதளமான X இல் தெரிவித்துள்ளார்.
ஆண்ட்ராய்டில் ஜெமினியைப் பெற, பயனர்கள் ப்ளே ஸ்டோரிலிருந்து பயன்பாட்டைப் பதிவிறக்கலாம் அல்லது கூகுள் அசிஸ்டண்ட்டைப் பயன்படுத்தி தேர்வு செய்யலாம்.
தமிழில் அறிமுகம்
கூகுளின் முந்தைய குரல் உதவியாளரைப் போலவே, ‘ஹே கூகுள்’ எனக் கூறி ஜெமினியை அழைக்கலாம்.
OpenAI இன் ChatGPT ஐப் போலவே, ஜெமினி பயன்பாட்டைப் பயன்படுத்தலாம், செய்திகளை உருவாக்கவும், மின்னஞ்சல்களை எழுதவும், படங்களை பகுப்பாய்வு செய்யவும் மற்றும் கோப்புகளைப் பதிவேற்றவும் மற்றும் அவற்றைப் பற்றிய கேள்விகளைக் கேட்கவும் இது உதவும்.
ஜிமெயில் மற்றும் மேப்ஸ் போன்ற பல்வேறு Google சேவைகளுடன் ஒருங்கிணைக்கப்பட்டுள்ளது.
ஜெமினி AI மூலம் பயனர்கள் உரையாடல்களை நிகழ்நேரத்தில் மொழிபெயர்க்கலாம். அதே நேரத்தில், இதன் மூலம், நீங்கள் Alarm, Timer மற்றும் Reminder அமைக்கலாம் மற்றும் உரையாடலை நிகழ்நேரத்தில் மொழிபெயர்க்கலாம்.இது தவிர, செய்திகளிலும் ஜெமினி AI ஐப் பயன்படுத்தலாம்.
இந்தியா, இலங்கையைத் தவிர, துருக்கி, வங்கதேசம், பாகிஸ்தான் ஆகிய நாடுகளிலும் ஜெமினி செயலி அறிமுகப்படுத்தப்பட்டுள்ளமை குறிப்பிடத்தக்கது.
Exciting news! ???????? Today, we’re launching the Gemini mobile app in India, available in English and 9 Indian languages. We’re also adding these local languages to Gemini Advanced, plus other new features, and launching Gemini in Google Messages in English. https://t.co/mkdSPZN5lE
— Sundar Pichai (@sundarpichai) June 18, 2024