அமைச்சர் பிமல் ரத்நாயக்கவை சந்தித்த இந்திய உயர்ஸ்தானிகர்

இலங்கைக்கான இந்திய உயர்ஸ்தானிகர் சந்தோஷ் ஜா (Santosh Jha) போக்குவரத்து, நெடுஞ்சாலைகள், துறைமுகங்கள் மற்றும் சிவில் விமான சேவைகள் அமைச்சர் பிமல் ரத்நாயக்கவை (Bimal Rathnayake) சந்தித்து கலந்துரையாடியுள்ளார்.

குறித்த கலந்துரையாடலானது பத்தரமுல்ல பகுதியில் அமைந்துள்ள அமைச்சரின் காரியாலயத்தில் இடம்பெற்றுள்ளது.

இந்திய அரசு ஆதரவு

இந்தக் கலந்துரையாடலின் போது இலங்கையின் தற்போதைய பொருளாதார நிலைமை குறித்து விசேட அவதானம் செலுத்தப்பட்டது.

மேலும், அண்டை நாடான இலங்கையுடன் வலுவான, நீண்ட கால உறவைப் பேணுவதற்கு இந்திய அரசு தொடர்ந்து ஆதரவளிக்கும் என இந்திய உயர்ஸ்தானிகர் இதன்போது உறுதியளித்துள்ளார்.