இலங்கையில் கைது செய்யப்பட்ட இந்தோனேசியர்கள் விடுதலை

இலங்கையில்(Sri Lanka) கைது செய்யப்பட்டிருந்த இந்தோனேசிய(Indonesia) தப்லீக் ஜமாஅத் இஸ்லாமிய பிரச்சாரகர்கள் விடுதலை செய்யப்பட்டுள்ளனர்.

இந்தோனேசியாவில் இருந்து இலங்கையின் முஸ்லிம் பிரதேசங்களில் தப்லீக் ஜமாஅத் பணிக்காக இலங்கைக்கு வருகை தந்திருந்த 8 இந்தோனேசியர்கள் கடந்த 03 ஆம் திகதி நுவரெலிய பள்ளிவாசலில் வைத்து கைது செய்யப்பட்டு – விளக்கமறியலில் வைக்கப்பட்டிருந்தனர்.

இந்தோனேசியர்கள் விடுதலை

சுற்றுலா விசாவில் இலங்கை வந்து மதப்பிரச்சார நடவடிக்கைகளில் ஈடுபட்டதன் மூலம் விசா விதிமுறைகளை மீறியதாக அவர்கள் மீது குற்றம் சுமத்தப்பட்டிருந்தது.

குறித்த வழக்கு இன்று விசாரணைக்கு எடுத்துக் கொள்ளப்பட்டபோது, குறித்த எட்டுப் ​பேரும் மார்க்கப் பிரச்சாரத்துக்கான விசா அனுமதி பெற்றிருந்தமை நீதிமன்றத்தில் நிரூபிக்கப்பட்டது.

அதனையடுத்து, அனைத்து குற்றச்சாட்டுக்களிலும் இருந்து நுவரெலியா நீதிமன்றத்தினால் அவர்கள் விடுதலை செய்யப்பட்டுள்ளனர்.