யாழில் நகைகள் கொள்ளை: சந்தேக நபர்கள் கைது

யாழ்ப்பாணம்(Jaffna) , திருநெல்வேலி பாரதிபுரம் பகுதியில் உள்ள வீடொன்றில்
நகைகளை திருடிய குற்றத்தில் நான்கு இளைஞர்கள் கைது செய்யப்பட்டுள்ளனர்.

கடந்த 03ஆம் திகதி வீடொன்றில் நகைகள் திருடப்பட்டதாக கோப்பாய் பொலிஸ் பிரிவில்
மேற்கொள்ளப்பட்ட முறைப்பாட்டின் பிரகாரம் பொலிஸார் மேற்கொண்ட
விசாரணைகளின் அடிப்படையில் நேற்றைய தினம் குறித்த இளைஞர்கள் கைது
செய்யப்பட்டுள்ளனர்.

நகை கொள்ளை

கைது செய்யப்பட்ட இளைஞர்களிடம் இருந்து ஒரு தொகை நகைகள் மற்றும் பணம் என்பவை
மீட்கப்பட்டுள்ளதுடன் , 2 கிராம் 400 மில்லி கிராம் ஹெரோயின் போதை
பொருளும் மீட்கப்பட்டுள்ளது.

கைது செய்யப்பட்ட இளைஞர்களை பொலிஸ் நிலையத்தில் தடுத்து வைத்து விசாரணைகளை
மேற்கொண்டு வருகின்றனர்.