அடுத்தடுத்து சிக்கும் பெக்கோ சமனின் சகாக்கள்

தடுத்து வைக்கப்பட்டு விசாரிக்கப்பட்டு வரும், ஒழுங்கமைக்கப்பட்ட குற்றவாளியான பெக்கோ சமனின் மற்றொரு நெருங்கிய நண்பரும் கைது செய்யப்பட்டுள்ளார்.

39 வயதான குறித்த சந்தேக நபரை தங்காலை குற்றவியல் பிரிவின் அதிகாரிகள் சூரியவெவவில் வைத்து இன்று (14) கைது செய்துள்ளனர்.

கைது நடவடிக்கை 

அவரிடமிருந்து வெளிநாட்டில் தயாரிக்கப்பட்ட கைத்துப்பாக்கி ஒன்றும், 40 தோட்டாக்களும், 250 கிராம் ஹெரோயின் போதைப்பொருளும் பொலிஸாரால் கைப்பற்றப்பட்டுள்ளன.

குறித்த சந்தேகநபர், சூரியவெவ பொலிஸாரிடம் ஒப்படைக்கப்பட்டு ஹம்பாந்தோட்டை நீதவான் நீதிமன்றத்தில் முன்னிலைப்படுத்தப்படவுள்ளார்.

இதேவேளை, எம்பிலிபிட்டியவின் கங்கேயாய பகுதியில், பெக்கோ சமனின் நெருங்கிய சகா ஒருவர் துப்பாக்கியுடன் நேற்று கைது செய்யப்பட்டிருந்தார்.

சந்தேகநபரிடம் இருந்து T-81 ரக துப்பாக்கி, 97 தோட்டாக்கள், 2 மெகசின்கள் மற்றும் ஒரு இராணுவ சீருடை ஆகியவை மீட்கப்பட்டிருந்தமை குறிப்பிடத்தக்கது.