உயர்தரப் பரீட்சைக் காலத்தில், அனர்த்தங்களால் மாணவர்களுக்கு ஏற்படும் அபாயங்களைத் தவிர்ப்பதற்காக அனர்த்த முகாமைத்துவ நிலையமும் பரீட்சைத் திணைக்களமும் இணைந்து ஒரு கூட்டுத் திட்டமொன்றை செயற்படுத்தியுள்ளன.
எதிர்பாராத வானிலை மாற்றங்கள் காரணமாக ஏற்படக்கூடிய அனர்த்தங்களினால் பரீட்சைக்கு தோற்றும் மாணவர்களுக்கு ஏற்படக்கூடிய தடைகளை தவிர்ப்பதே இந்தத் திட்டத்தின் நோக்கம் என அனர்த்த முகாமைத்துவ நிலையம் தெரிவித்துள்ளது.
அதன்படி, பரீட்சைக் காலத்தில் பேரிடர் ஆபத்து இல்லாத சூழலை உருவாக்குவதற்கு உரிய அதிகாரிகள் எவ்வாறு செயற்பட வேண்டும் என்பது உள்ளிட்ட வழிகாட்டுதலை வெளியிட அனர்த்த முகாமைத்துவ நிலையம் பணியாற்றியுள்ளது.
ஒருங்கிணைப்பு ஆதரவு
அத்துடன், மாணவர்களுக்கு 117 அல்லது 1911 போன்ற விசேட தொலைபேசி எண்களும் அறிமுகப்படுத்தப்பட்டுள்ளன.
மேலும், தேவையான ஒருங்கிணைப்பு ஆதரவுக்காக 113 668 026, 113 668 032, 113 668 087 மற்றும் 113 668 119 போன்ற சிறப்பு எண்களையும் அழைக்கலாம் என பேரிடர் மேலாண்மை மையம் தெரிவித்துள்ளது.