திருகோணமலையில் புத்தர் சிலை அகற்றும் சம்பவத்தின் காணொளி காட்சிகள் குறித்து பொலிஸ் பிரிவு அறிக்கை வெளியிட்டுள்ளது.
திருகோணமலை துறைமுக பொலிஸ் பிரிவு கடற்கரையில் இருந்து புத்தர் சிலை அகற்றப்பட்டதால் ஏற்பட்ட அமைதியின்மையைக் காட்டும் காணொளி காட்சிகள் குறித்தே அறிக்கை வெளியிடப்பட்டுள்ளது.
தவறான செய்திகள் உருவாக்கம்
சம்பவம் தொடர்பான சரியான சூழ்நிலையை தெளிவுபடுத்துவதற்காக தொடர்புடைய அறிக்கை வெளியிடப்பட்டதாக அதில் கூறப்பட்டுள்ளது,
ஏனெனில் அதன் அடிப்படையில் சில தவறான செய்திகள் உருவாக்கப்படுவதாகவும் விளக்கமளித்துள்ளது.
இந்த சம்பவம் இனங்களுக்கு இடையே முரண்பாடு ஏற்பட வாய்ப்பு இருப்பதாக இலங்கை பொலிஸார் கவனித்துள்ளதாகவும் குறிப்பிடப்பட்டுள்ளது.
நல்லிணக்கத்தைப் பேணுவதில் பெரும் சிக்கல்
பிரதிநிதித்துவப்படுத்தப்படும் பகுதி என்பதால், இந்த சம்பவத்தை யாராவது நாசகாரர்கள் பயன்படுத்திக் கொண்டு புத்தர் சிலையை சேதப்படுத்தினால், அது அப்பகுதியில் அமைதி மற்றும் நல்லிணக்கத்தைப் பேணுவதில் பெரும் சிக்கலுக்கு வழிவகுக்கும், எனவே புத்தர் சிலை அந்த இடத்திலிருந்து பாதுகாப்பாக அகற்றப்பட்டு திருகோணமலை துறைமுக பொலிஸ்பிரிவிற்கு கொண்டு வரப்பட்டது என்று கூறப்பட்டுள்ளது.
தற்போது அந்த பகுதியில் அமைதியான சூழ்நிலை நிலவுவதாலும், எதிர்கால நடவடிக்கை குறித்து சம்பந்தப்பட்ட தரப்பினர்உடன்பாட்டை எட்டியிருப்பதாகவும் அறிக்கையில் குறிப்பிட்டுள்ளனர்.
