வவுனியா – மன்னார் வீதியில் இடம்பெற்ற விபத்தில் பெண் ஒருவர்
படுகாயமடைந்துள்ளார்.
குறித்த விபத்து இன்று (21.02.2025) இடம்பெற்றுள்ளதாக நெளுக்குளம் பொரிஸார் கூறியுள்ளனர்.
சம்பவம் தொடர்பில் மேலும் தெரியவருவதாவது,
வவுனியா – மன்னார் வீதி
வவுனியா – மன்னார் வீதியில் உள்ள வேப்பங்குளம் பகுதயில் உள்ள எரிபொருள்
நிரப்பு நிலையத்தில் இருந்த எரிபொருள் நிரப்பிய டிப்பர் வாகனம் ஒன்று, நிலையத்தில் இருந்து வீதிக்கு வர முற்பட்ட போது விபத்து இடம்பெற்றுள்ளது.
இதன்போது நகரில் இருந்து வேப்பங்குளம் 8 ஆம் ஒழுங்கையில் திரும்ப
முற்பட்ட மோட்டர் சைக்கிளுடன் டிப்பர் வாகனம் மோதி விபத்துக்குள்ளாகியுள்ளது.
குறித்த விபத்தில் மோட்டர் சைக்கிளில் பயணித்த பெண் படுகாயமடைந்து வவுனியா
பொது வைத்தியசாலையில் சிகிச்சைக்காக அனுமதிக்கப்பட்டுள்ளார். சம்பவம்
தொடர்பில் நெளுக்குளம் பொலிஸார் விசாரணைகளை மேற்கொண்டு வருகின்றனர்.