பிரதியமைச்சர் நாமல் கருணாரத்னவின் அழுத்தம் காரணமாக குருநாகல் வனவளங்கள் திணைக்கள பிரதான அதிகாரி இடமாற்றம் பெற்றுச் செல்லத் தீர்மானித்துள்ளதாக தகவல் வெளியாகியுள்ளது.
குருநாகல் மாவட்ட எல்லையில் அமைந்துள்ள கஹல்ல பல்லேகெல பாதுகாக்கப்பட்ட வனப்பகுதியின் பொறுப்பதிகாரி சதுர குணரத்ன, அங்கிருந்து இடமாற்றம் பெற்றுச் செல்லத் தீர்மானித்துள்ளதாக தெரிவிக்கப்பட்டுள்ளது.
இடமாற்றம்
குறித்த பாதுகாக்கப்பட்ட வனப்பகுதியில் தனது ஆதரவாளர்களுக்கு காணிகளை பகிர்நதளிப்பது தொடர்பில் கமத்தொழில் பிரதியமைச்சர் நாமல் கருணாரத்ன அழுத்தம் கொடுப்பதன் காரணமாகவே வனப்பாதுகாப்பு அதிகாரி சதுர குணரத்ன அங்கிருந்து இடமாற்றம் பெற்றுச் செல்லவுள்ளதாக தெரிவிக்கப்படுகின்றது.
மேற்குறித்த கஹல்ல-பல்லேகெல வனப்பகுதியானது குருநாகல் மாவட்டத்தில் உள்ள யானைகளுக்கு பரிச்சயமான ஒரு வனப்பகுதி என்பது குறிப்பிடத்தக்கது.