கிளிநொச்சியில் தமிழ் ஊடகவியலாளர் ஒருவரை கடத்த முயற்சி

கிளிநொச்சியில் (Kilinochchi) தமிழ் ஊடகவியலாளரான தமிழ்ச்செல்வனை வானில் வந்தோர் கடத்த முயற்சித்துள்ளதாக தகவல் வெளியாகியுள்ளது.

வெள்ளை வான் ஒன்றில் வந்த குழுவினரே அவரைக் கடத்த முயன்றுள்ளதாக தகவல்கள் தெரிவிக்கப்பட்டுள்ளது. 

இதன்போது, ஊடகவியலாளர் தமிழ்ச்செல்வன் வானில் இருந்து பாய்ந்து தப்பித்துக் கொண்டுள்ளார்.

பொலிஸில் முறைப்பாடு 

எனினும், கடத்தல் குழுவின் தாக்குதல் காரணமாக ஏற்பட்ட பாதிப்பு காரணமாக அவர் தற்போதைக்கு கிளிநொச்சி மருத்துவமனையில் அனுமதிக்கப்பட்டுள்ளார்.

இந்தச் சம்பவம் குறித்து பூரண விசாரணை நடத்தப்பட வேண்டுமென்று பல்வேறு தரப்பினரும் வலியுறுத்தியுள்ளனர்.

மேலும், ஊடகவியலாளரான இவர், நஞ்சாகும் நிலம் எனும் நூல் ஒன்றை வெளியிட்டுள்ளமையும் குறிப்பிடத்தக்கது.