தமிழர் பகுதியில் நூலிழையில் உயிர் தப்பிய குடும்பம்!

வீட்டின் உரிமையாளர்கள் உறங்கிக்கொண்டிருந்த போது மரமொன்று முறிந்து வீட்டின் மேல் வீழ்ந்த சம்பவம் ஒன்று முள்ளியவளை பகுதியில் பதிவாகியுள்ளது.

மரம் முறிந்து வீட்டுக் கூரையின் மீது விழுந்ததால் வீட்டின் மேற்பக்கக் கூரை முற்றாக சேதமடைந்துள்ளது.

பலத்த மழை 

குறித்த சம்பவத்தின்போது வீட்டில் உறங்கிக்கொண்டிருந்தவர்கள் நூலிழையில் உயிர் தப்பியுள்ளதாக கூறப்பட்டுள்ளது.

காற்றுடன் கூடிய பலத்த மழை பெய்துவரும் நிலையில், கரைதுறைப்பற்று பிரதேச செயலக பிரிவுக்குட்பட்ட முள்ளியவளை 1ம் வட்டாரம் கிராமத்தில் உள்ள வீடொன்றிலே இந்த சம்பவம் பதிவாகியுள்ளது.

வீட்டின் அருகில் இருந்த பெரிய புளிய மரமே இவ்வாறு முறித்து விழுந்துள்ளது.