இலங்கை மத்திய வங்கி மக்களுக்கு விழிப்புணர்வை ஏற்படுத்தும் வகையில் ஒரு “திறந்த நாள் நிகழ்ச்சியை” ஏற்பாடு செய்துள்ளது.
நுவரெலியாவில் உள்ள கிரிகோரி லேக் கார் பார்க்கில் மார்ச் 22 மற்றும் 23 ஆகிய தினங்களில் நடைபெறவுள்ளது.
நிகழ்வுகள்
இந்த நிகழ்வில் மார்ச் 23 ஆம் திகதி முற்பகல் 10.00 மணிக்கு மத்திய வங்கியின் ஆளுநர் நந்தலால் வீரசிங்க கலந்துகொள்வார்.
இந்த திறந்த நாள் முயற்சியில் பின்வரும் நிகழ்வுகள் இடம்பெறவுள்ளன.
டிஜிட்டல் கொடுப்பனவு ஊக்குவிப்பு பிரசாரம் – இந்த நிகழ்வு சமீபத்திய டிஜிட்டல் கட்டண முறைகள் குறித்த பொது விழிப்புணர்வை மேம்படுத்துவதையும் கையடக்க தொலைபேசிகளை பயன்படுத்தி டிஜிட்டல் பணம் செலுத்துவது குறித்த தனிப்பயனாக்கப்பட்ட வழிகாட்டுதலை வழங்குவதையும் நோக்கமாகக் கொண்டுள்ளது.
இந்த நிகழ்வில் வங்கிகள், நிதி நிறுவனங்கள் மற்றும் தொலைத்தொடர்பு நிறுவனங்கள் போன்ற மின்-பண சேவை வழங்குநர்கள், அத்துடன் நுண், சிறு மற்றும் நடுத்தர நிறுவனங்கள் (MSMEs) உள்ளிட்ட மொபைல் கட்டண செயலிகள் சேவை வழங்குநர்கள் நேரடி அனுபவத்தை பகிர்ந்து கொள்வார்கள்.
கோரிக்கை
EPF மொபைல் சேவைகள் – ஊழியர்களின் வருங்கால வைப்பு நிதி (EPF) சேவைகள் தொடர்பான ஒன் -சைட் உதவியை வழங்குதல்.
மத்திய வங்கியின் வெளியீடுகள் – பொதுமக்கள், மத்திய வங்கியின் வெளியீடுகளை வாங்குவதற்கான ஒரு பிரத்யேக புத்தகக் கடை.
இந்த நிகழ்வு, தொழில் புரிவோர், மாணவர்கள், மற்றும் பொதுமக்கள் அனைவருக்கும் நன்மை பயக்கும் என்பதால், இந்த திறந்த நாள் குறித்து பொதுமக்களுக்குத் தெரியப்படுத்துங்கள், இதன் மூலம் அவர்களின் பங்கேற்பை ஊக்குவிக்கவும், பொது நன்மையை அதிகரிக்கவும் உதவும் முகமாக முடிந்தளவு, இந்த தகவலை பகிருமாறு, இலங்கை மத்திய வங்கியின் தொடர்பு குழு கோரிக்கை விடுத்துள்ளது.