கொழும்பு நுகர்வோர் விலை சுட்டெண் அடிப்படையிலான முதன்மை பணவீக்கம் கடந்த பெப்ரவரி மாதத்துடன் ஒப்பிடுகையில் இந்த மாதத்தில் அதிகரிப்பைப் பதிவு செய்துள்ளது.
இந்த விடயம் தொகை மதிப்பு மற்றும் புள்ளிவிபரத் திணைக்களம் வெளியிட்டுள்ள புதுப்பிக்கப்பட்ட அறிக்கையிலிருந்து தெரியவந்துள்ளது.
கடந்த பெப்ரவரி மாதத்தில் மறை 4.2 சதவீதமாக நிலவிய கொழும்பு நுகர்வோர் விலைச் சுட்டெண் அடிப்படையிலான முதன்மை பணவீக்கம் இந்த மாதத்தில் மறை 2.6 சதவீதமாக அதிகரித்துள்ளது.
உணவு பணவீக்கம்
அதேநேரம், கடந்த பெப்ரவரி மாதம் மறை 0.2 சதவீதமாக இருந்த உணவு பணவீக்கம் மார்ச் மாதத்தில் சிறியளவு உயர்ந்து 0.6 சதவீதமாகப் பதிவாகியுள்ளது.
அத்துடன், பெப்ரவரி மாதத்தில் மறை 6.1 சதவீதமாக இருந்த உணவல்லா பணவீக்கம் மறை 4.1 சதவீதமாக மார்ச் மாதத்தில் அதிகரித்துள்ளதாகவும் சுட்டிக்காட்டப்பட்டுள்ளது.