களுத்துறை பிரதேச செயலக (Divisional Secretariat Kalutara) கட்டடத்தில் தீ விபத்து ஏற்பட்டுள்ளதாக தகவல்கள் வெளியாகியுள்ளன.
குறித்த தீ விபத்தானது, இன்று (24) இடம்பெற்றுள்ளதாக காவல்துறையினர் தெரிவித்துள்ளனர்.
அந்தவகையில், ஆறு மாடிகளை கொண்ட களுத்துறை பிரதேச செயலக கட்டடத்தின் தரை தளத்தில் மின் கசிவால் குறித்த தீ விபத்து ஏற்பட்டுள்ளதாக தெரிவிக்கப்படுகிறது.
தீயணைப்பு பிரிவினர்
இந்தநிலையில், களுத்துறை மாநகர சபையின் தீயணைப்பு பிரிவினர் தீயை அணைக்க இரண்டு தீயணைப்பு வாகனங்களை அனுப்பி வைத்துள்ளதுடன், கட்டடத்தில் இருந்து அதிகாரிகள் மற்றும் பணியாளர்கள் வெளியேற்றப்பட்டுள்ளதாக தெரியவந்துள்ளது.
மேலும், தீயை அணைக்கும் பணியில் ஈடுபட்டிருந்த தீயணைப்பு வீரர் ஒருவர் மூச்சுத்திணறல் காரணமாக வைத்தியசாலையில் அனுமதிக்கப்பட்டுள்ளமை குறிப்பிடத்தக்கது.