வெள்ளத்தால் பாதிக்கப்பட்டவர்களின் வீடுகள் மற்றும் சொத்துக்களை சுத்தம் செய்வதற்கான உதவித்தொகையை அதிகரிக்க நிதி அமைச்சு ஒப்புதல் அளித்துள்ளது.
நிதியமைச்சர் என்ற முறையில் ஜனாதிபதி அநுரகுமார திசாநாயக்க பிறப்பித்த உத்தரவின்படி இந்த ஒப்புதல் வழங்கப்பட்டுள்ளது.
அதன்படி, உதவித் தொகை ரூ. 10,000 லிருந்து ரூ. 25,000 ஆக அதிகரிக்கப்பட்டுள்ளது.
நிதியமைச்சின் உத்தரவு
சிறப்பு அறிக்கையை வெளியிட்ட நிதி, திட்டமிடல் மற்றும் பொருளாதார மேம்பாட்டு அமைச்சின் செயலாளர் டாக்டர் ஹர்ஷன சூரியப்பெரும, நேற்று (02.12.2025) பேரிடர் மேலாண்மை மையத்தின் கோரிக்கையின் பேரிலும், ஜனாதிபதியின் அறிவுறுத்தலின் பேரிலும் இந்த முடிவு எடுக்கப்பட்டதாக தெரிவித்தார்.
முழுமையான நிதி
இந்த உதவித்திட்டத்திற்காக ரூ. 7.5 பில்லியன் ஒதுக்கப்பட்டுள்ளது.
இந்த நிதி பேரிடர் மேலாண்மைக்காக தேசிய பட்ஜெட்டில் இருந்து ஏற்கனவே ஒதுக்கப்பட்ட ரூ. 30 பில்லியனில் இருந்து விடுவிக்கப்பட்டுள்ளது.