யானை தாக்கி முன்னாள் கிராம சேவையாளர் பலி – தமிழர் பகுதியில் சம்பவம்

வவுனியா (Vavuniya) – வேலங்குளம் பகுதியில் யானை தாக்கி முன்னாள் கிராம சேவையாளர் ஒருவர் உயிரிழந்துள்ளதாக பூவரசன்குளம் காவல்துறையினர் தெரிவித்துள்ளனர்.

குறித்த சம்பவம் வவுனியா – வேலங்குளம் பகுதியில் நேற்று (10.12) மாலை இடம்பெற்றுள்ளது.

முன்னாள் கிராம அலுவலரான மோகனகாந்தி என்பவரே இவ்வாறு உயிரிழந்துள்ளார்.

மக்கள் பயணம் செய்ய முடியாத நிலை

சம்பவம் தொடர்பில் மேலும் தெரிய வருகையில், வேலங்குளம் பகுதியில் வசிக்கும் முன்னாள் கிராம சேவகரான குறித்த நபர் நேற்று (10.12) மாலை தனது மாட்டினை வீடு நாேக்கி காெண்டு சென்ற பாேது வேலங்குளம் இராணுவ முகாமுக்கு அண்மையில் வீதிக்கு வந்த யானை தாக்கியதில் அவர் சம்பவ இடத்திலேயே மரணமடைந்துள்ளார்.

குறித்த யானை சுமார் மூன்று மணிநேரத்திற்கு மேலாக குறித்த பகுதியில் நின்று
அட்டகாசம் புரிந்துள்ளது.

இதனால் அவ் வீதி வழியாக மக்கள் பயணம் செய்ய முடியாத நிலை ஏற்பட்டது.

மேலும் சம்பவம் தாெடர்பில் பூவரசன்குளம் காவல்துறையினர் விசாரணைகளை மேற்காெண்டு
வருகின்றனர்.